Menu
Menu
2025-mi Kalaallit Nunaanni Brugsenimi siulersuisunut qinigassanngortittut pillugit immikkoortumi tulliuttumi paasisaqarfiginerusinnaavatit. Qinigassanngortittut tamarmik suliffeqarfiup malittarisassiaanut naapertuuttumik qinigassanngortinnertik nalunaarutigaat.
Qinigassanngortittut pillugit atuarit qinersinissannut piareerniassagavit.
Brugseni app-ikkut qinersissaatit saqqaani ammalortoq qorsuusoq toorlugu. Qinersivinni “Paamiut/Narsaq/Nanaortalik”-mi aamma “Sisimiut/Ilulissat”-mi ilaasortaasut taamaallaat matumani qinerseqataasinnaapput.
Pingaarutilik: Qinersiviit arlaanni qinersisinnaajumallutit apriilip aallaqqaataat nallertinnagu Brugseni app-imi profilinni pisiniarfik ornittakkannik eqqortumik toqqaasimasariaqarputit. (Brugseni app-imi toqqagassani ”Allat” talerpiatungaani allertut inissisimasoq tooriarlugu ”Profili” toqqaruk. ”Illit pillutit paasissutissat” ataani pisiniarfik ornittakkat toqqarsinnaavat.)
Apriilip aallaqqaataasiit 15-iannut qinersisoqassaaq.
Qinigassanngortittup aqqa toorlugu qinigassanngortittut pillugit paasisaqarnerugit.
Najarak Petersennimik ateqarpunga. Maanna bestyrelsimut qinigassanngorlugu sassarpunga, misigigama nukiissagallunga Brugsenip lokalbestyrelsiani suleqataanissannut piffissamilu 2006-2022 nammineerlunga tunuarama teqmisassama naammassillugu.
Maanna tj.mandpensionerpunga piffissaqarluarlunga nukissagallunga aamma misileeqinissannutillu lokalbestyrelsimikkalaarama forstand tullia allatillu LB-mi ilaasortaang tamassa misilillugu gaggarfigaakka Brugsenip sulissutigisaanut sunniutassaga pitsaasoq aallaavigalugu.
Maannalu misigigama nukissagallunga sassarpunga Brugsenip sulissutigisaanut sunniutassannik.
Inussiarnersumik
Najarak Petersen
Qinigassanngortittup aqqa toorlugu qinigassanngortittut pillugit paasisaqarnerugit.
Kalaallit Nunaanni Brugsenip siulersuisuvinut qinigassanngortippunga tulluusimaarutigigakku piginneqataanera Brugsenimut kalaallinik 100 % pigineqartumut.
Ukioq 2009 taamani lokalbestyrelsimut ilaasortanngorpunga, ukioq 2012 landsbestyrelsimut ilaasortanngorpunga qinigaaffiillu marlunni siulittaasuullunga, tamaammat isumaqarpunga tunngavissaqarluarlunga Brugsenip ingerlanneqarneranut aamma siulersuvisutut sulinissamut.
lsumaqarpunga ullumikkut Kalaallit Nunaanni Brugseni inissisimanermini allariaqqinnissaminullu tunngavissaqarluartoq. Kalaallit Nunaanni periarfissaqarluartumi piginnittuni ajunnginnerpaamik ilaatigut ukiumutkaaviijaartitani piginneqataasutsimi ajunngitsorsiassat, Divi Plussi-mi pissarsiaqartarnermik. Taamatut malugissallugu piginneqataanerminnik. Kalaallit Nunaanni Brugseni-mi piginneqataasut tunngaviulluinnarput piginneqatigiiffiup ukiumut 1 milliard-i nik kaviaartitaqartup ingerlanneqarneranut. Tamannalu suliffeqarfimmik 600 qaangerlugit sulisoqartumi tamatullu aningaasamik amerlatigisunik kaaviiartitaqartumik pisariaqartitsivoq siulersusinik professional-itut sulisunik, ilisimasaqarluartunik piginneqartigiiffiup tunngaviusumik ingerlanneqarneranut aammattaaq aningaasarsiornermik. lsumaqarpunga tamakkununnga unga tunniussaqarsinnaallunga.
Qinersilluarisi.
Ib Lennert Olsen
Ateqarpunga Malene Ingemann, Sisimiuneersuuvunga. Nakorsamit soraarummeersinneqarlunga komplementær hormonterapeutitut naammassinikuuvunga, endokrinologiimut hormonsystememullu tunngatillugu katsorsaanermik suliaqarfiusoq, inuk tamaat qitiutillugu, peqqissuseq timillu oqimaaqatigiissarnissaa aallaavigalugu.
Taassuma saniatigut niuernermik ingerlatsinermi misilittagaqarpunga atisaarniarfimmillu piginnittuusimalluta. Aamma uiga peqatigaluguukiuni 27-ni takornariaqarnermi, umiatsiamik angallassinermi, naatsorsuuserinermi inuussutissarsiornermik ingerlatsisimavugut, maannalu nammineq katsorsaaviutinni sulisarpunga internetikkullu umimmaat qiviuinik tuniniaaviusumik pisiniarfiuteqarlunga.
Suliama saniatigut politikkimut tunngatillugu marloriarlunga qinigaasimavunga, Pingaarnertut kommunalbestyrelsimi, aammali Kanukokamiinnissamut qinigaasimallunga, kiisalu partiit ilaata siulersuisuini aningaaserisuusimallunga.
Sooq uanga Brugsenip siulersuisuiniissagaluarpunga? Uanga nerisassat timitta pisariaqartitaannik, – ilaatigut nerisassanik ullutsinni pissarsiariuminaattartunik, – ilaatigullu eqqumaffigineqarnerusariaqartunik pingaartitsisuuvunga. Siunissamimi tamatsinnut piumasaqaataasut alliartuinnarnatik timitsinnik peqqissutsitsinnillu isumaginnilluarnissatsinnik pisariaqarnerulersitsissapput. Brugsenip matumani suliniaqataanerulernissaa uanga sunniuteqarluassasoraara. Kalaallit Nunaanniinnaanngitsoq aammali nunani tamalaani ajornartorsiutaavoq, avinngarusimasumiikkaluartugullu nerisassat pitsaasut pingaannginnerusutut inissisimatinneqartariaqanngillat, soorluttaaq pisiniarfiit tamarmik piujuartitsinermut tunngatillugu maligassaallualernissamut piukkunnaateqartut, peqqissuseq pingaaruteqartuummat pingaartitanut allanut ilaatinneqarluni.
Aammattaaq Brugsenip pisiniarfissaqqinnerulersinnissaa kissaatigaara, tamatumunngalu tunngatillugu suliniuteqaqataalluarsinnaasorivunga. Brugsenimi pisiniartartutoqaagama Brugseniinnarnullu pisiniartartuullunga maluginiarsimavara nioqqutissat ilarpassui Pisiffimmut pisiariartortariaqalersimasut Brugsenip pisiniarfiutai naammattumik pilersuisinnaasimanngimmata. Taakkua saniatigut Brugsenimi massakkut
ajornartorsiutaasut, siusinnerusukkut ajornartorsiutaanikuunngitsut, amerlanerusutut nalilerpakka. Brugsenip siulersuisuini ilaasortassatut qineqqusaarpunga ajunnginnerpaamik siunertaqarlungalu misigigama piginnaasakka Brugsenip siulersuisuini pisariaqartinneqartut.
Inussiarnersumik inuulluaqqusillunga
Malene Ingemann
Uanga Nikoline Kleist-Lundblad -imik ateqarpunga.
Soqutigivara Brugsenip siulersuisuni suleqataanissara, pissutigalugu tassunga ilaasortatut sunniuteqaqataanissara.
Inussiarnersumik inuulluaqqusillunga
Nikoline Kleist-Lundblad
Ilaasortat siulersuisunut qinigassanngortissinnaapput:
25-ileereersimagunik
Immikkoortortaqarfimmi najukkami najugaqarunik § 10 imm. 5 naleqq..
Pinerlussimannginnermut uppernarsaateqarunik
Suliffeqarfimmi unammillertigisami atorfeqanngikkunik tassanngaluunniit akissarsiaqanngikkunik
BIS-mut ilaasortaanngikkunik
KNB-mi sulisuunngikkunik
100.000 koruunit sinnerlugit pisortanut akiligassatigut kinguaattooruteqanngikkunik
Aappariit, inooqatigiit, ilaqutariit qanigisat assersuutigalugit qatanngutigiit qitornallu ataatsikkut siulersuisuni ilaasortaasinnaanngillat.
Aapparisaq inooqatigisaq KNB-mi sulisuuppat, KNB-p siulersuisuinut qineqqusaarsinnanngilaq.
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2025 · Kalaallit Nunaanni Brugseni
Cookies og privatlivspolitik – Whistleblowerordning
