Niuernermik ingerlatsivimmi siulersuisuni ilaasortatut kissaatiginarpoq periusissiornermut aamma niuertorpalaartumillu piginnaasaqarnissaq aammalu inuutissarsiutip qanoq ingerlaaseqartarneranut paasinnilluarsinnaassuseqarnissaq.

Siulersuisunut sulineq akissarsiaqarfiusarpoq, taamaattumik aamma naatsorsuutigineqarluinnarpoq eqeersimaarluni pimoorussillunilu suleqataasoqarnissaa. Piareersimassaatit qaammammut siulersuisulerinermut atatillugu minnerpaamik 5-10 tiimit atortarnissaa. Illuatungaanili periarfissaqarluarputit Kalaallit Nunaanni suliffeqarfiit namminersortut annerpaat ilaanni inuttut ataatsimoorlunilu ineriartorfiunissaa.

Piginnaassutsit makku kissaatiginarput, piumasaqaataanngillalli:

• Niuernermik ingerlatsivinnit misilittagaqarneq – suunuku niuernermik ileqqut ilanngussorfigineqartut, pisisartut pissusilersuutai aammalu unammillernermut tunngasut
• Aningaasarsiornermut paasinnissinnaaneq – Naatsorsuutinik, misingersuutinik aningaasaqarnikkullu kisitsisinik misissueqqissaarsinnaaneq.
• Periusissiornermi eqqarsarsinnaassuseqarneq – Ungasinnerusumut eqqarsarsinnaassuseqarneq, digitaliseerinermik aammalu piujuaannartitsinissamik pingaartitsilluni.
• Aqutsinermut suleqatigiinnermullu piginnaasaqarneq – Pisortaaqatigiinnik suleqateqarnissamut piginnaasaqarneq aamma allaffissornikkut ileqqorissaarnissamut qulakkeerinneqataasinnaaneq
• Inatsisitigut inatsisinillu malittarinninnissamut paasinnissinnaassuseqarneq – Inatsisinik malittarisassanillu sulianut pingaarutilinnik aamma ESG-imut piumasaqaatinik ilisimasaqarnissaq
• Teknologimut qaammaasaqarneq – qarasaasiatigut niuernermut, paasissutissanik misissueqqissaarnermut aammalu niuernikkut digitalimik aaqqissuussisinnaanermut paasinnissinnaaneq.

Suliffigisarsimasannit imaluunniit siulersuisuniiffigisarsimasannit suliatigut piginnaasatit misilittakkatillu allaaserikkit

Kalaallit Nunaat tamakkerlugu suliffeqarfiup ingerlanneqarneranut qanoq sunniuteqarfigisinnaanera immikkut sammiuk.

Eqqaamassavat siulersuisunut qiningassanngortikkavit taamaattumillu aamma KNB’p suliffeqarfittut tamakkiisumik periusissianik suliaqaqataanikkut sunniuteqarfigisinnaagakku.

Naatsuliorit, inuit ilinnut taasinissaminnut tunngavissaqartilluarlugit.

Saqqummiussassat danskisut kalaallisullu suliariuk.

Eqqaamassavat assimik ilumoorsaarpasittumik ilanngussinissat.

Piviusunngortissinnaanngisannik neriorsuinaveersaarit.

Eqqaamassavat siulersuisunut ilannguttinnak siulersuisut suliaqareersut ilannguffigissagakkit, taakkulu annertuumik suliaqareernikuullutik.

Eqqaamassavat illit suliavit siunertarissammagu suliffeqarfiup nukittorsarnissaa, tassanilu sulinikkut ilinniarnikkulluunniit piginnaasatit atorlugit peqataassagavit, tassuunakkut suliffeqarfik inatsiseqarnikkut aningaasaqarnikkullu nukittunerulerniassammat. Siulersuisut suliassarinngilaat suliffeqarfiup ulluinnarni ingerlanneqarneranut aqutsinissaq.

Siulersuisut suliassarinngilai suliffeqarfiup ulluinnarni ingerlanneqarneranut ingerlatsinissaq, soorlu suut nioqqutaassanersut, nioqqutissaq qanoq akeqassanersut, kikkut nioqqutissanik pilersuisussatut isumaqatigiissusioqatigineqassanersut, kikkullu pisiniarfinni sulerillutik sulisuussanersut, il.il.

Qineqqsusaarneq kingusinnerpaamik 15. martsi 2025 nalunaarutigineqariissaaq

Ilaasortat siulersuisunut qinigassanngortissinnaapput:

25-ileereersimagunik

Immikkoortortaqarfimmi najukkami najugaqarunik § 10 imm. 5 naleqq..

Pinerlussimannginnermut uppernarsaateqarunik

Suliffeqarfimmi unammillertigisami atorfeqanngikkunik tassanngaluunniit akissarsiaqanngikkunik

BIS-mut ilaasortaanngikkunik

KNB-mi sulisuunngikkunik

100.000 koruunit sinnerlugit pisortanut akiligassatigut kinguaattooruteqanngikkunik

Aappariit, inooqatigiit, ilaqutariit qanigisat assersuutigalugit qatanngutigiit qitornallu ataatsikkut siulersuisuni ilaasortaasinnaanngillat.

Aapparisaq inooqatigisaq KNB-mi sulisuuppat, KNB-p siulersuisuinut qineqqusaarsinnanngilaq.

Qineqqusaartoqarnerani Brugseni qineqqusaartut tamaasa pillugit paasissutissiisassaaq suliffeqarfiup attaveqaatai digitaliusut aqqutigalugit.

Qineqqusaartut tamarmik qinnuigineqassapput nammineq assiminnik torersumik ikkusseqqullugit aamma sooq siulersuisunut ilaasortanngortariaqarsorinertik quppernerup ataatsip iluani allaatigalugu qineqqusaarummik allaqqullugit. Taakku nassiunneqarsinnaapput taamaallaat immersugassaq matuma qulaani allaatigineqartoq aqqutigalugu.

Qineqqusaarutit brugseni.gl-imi kikkunnit tamanit atuarneqarsinnaassapput.

Suliffeqarfipput ilaasortatsinnit 100%-imik pigineqarmat ilaasortavut siulersuisunik qinersisarput. Tamanna pillugu paasisaqarnerugit peqatigiiffiup ileqqoreqqusaanni.

Brugsenip siulersuisuinut ilaasortat suliffeqarfiup qinersiviinit sisamaneersuupput. Qineqqusaartut tamarmik najukkaminni qinersivimmi qineqqusaassapput. Qinersivinnit tamanit ilaasortanik qinersisoqassaaq. Qinersiviit ukuupput:

1. Narsaq/Nanortalik/Paamiut
2. Qaqortoq/Maniitsoq
3. Sisimiut/Ilulissat
4. Nuuk

Tamanna pillugu paasisaqarnerugit peqatigiiffiup ileqqoreqqusaanni.

Qinersiviit ukuupput:

1. Paamiut/Narsaq/Nanortalik
2. Sisimiut/Ilulissat

Tamanna pillugu paasisaqarnerugit peqatigiiffiup ileqqoreqqusaanni.