Brugseni pilersaaruteqaqaaq! Brugsenimi Ilulissaniittumi allannguinissamut piareersaavugut – alliliinitsigut inissaqarneruliinnarnata pisinianut, ilaasortanut sulisunullu nutaarluinnarnik periarfissaqalissaaq!

Pisiniarfiup 1000 m²-inik allilernissaa pilersaarutigaarput taamalu pisiniarfissamik suli nutaaliaanerusumik pilersitsissalluta, suut tamaasa pisiniarfimmut ataatsimut katersorlugit. Tamatuma kinguneratut..

• Nioqqutissanik qinigassat assigiinngiiaarnerungaassapput
• Nutaarluinnarmik immikkoortortaqalissaaq elektronikkeerniarfissamik iggavimmilu atortuerniarfissamik
• Anginerujussuarmik paarnanik naatitanillu immikkoortortaqassaaq
• Inuussutissanit tamalaanit nioqqutissat assigiinngiiaarnerussapput
• Pinnguaarniarferujussuaqalissaaq – Brugsenip pinnguaarniarfiutaasa immaqa annersaannik
• Nutaarluinnarmik isumassarsiffiulluartussamillu pequtaarniarfeqalissaaq

Immikkorluinnarlu ittumik matuminnga pisoqassaaq: Powered by Brugseni elektronikkeerniarnermi iggavimmilu atortuerniarnermik iluatsilluarsimasoq aamma Ilulissaniilissaaq POWER Danmarkimiittoq qanimut suleqatigalugu.

Alliliinerli kisiat pineqassanngimmat inunnut saariarta!

Anguniakkavut piviusunngortikkumallugit maanna nutaanik suleqatissarsiorpugut pisiniarfimmik pitsanngoriartitsisussanik. Piumassuseqarluartunik, pikkorissunik sullisserusuttunillu amerlanerusunik pilersitseqataarusuttunik – illoqarfimminnilu allanngueqataarusuttunik – sulisussarsiorpugut! Aqutsisussarsiorlutalu sulisussarsiorpugut, periarfissanullu nutaanut ammaassinnginnitsinni sioqqutsilluarluta suleqatigiittussanik toqqaassaagut.

Aallaqqaataannit suleqataarusuppit Ilulissanilu pisiniarfiup siunissaanik ilusileeqataallutit? Atorfinnik inuttassarsiuussinivut eqqumaffigikkit – imaluunniit alapernaakkuit massakkut attavigeriaannaavatsigut.

Brugsenimi suleqatitaassatta tikilluaqqunissaat qilanaaraarput!