Brugsenimi allanngueqataagit

Piffissami apriilip aallaqqaataaniit 15-iata tungaanut 2026 Kalaallit Nunaanni Brugseni siulersuisunut qinersititsissaaq. Nuummi, Qaqortumi Maniitsumilu ilaasortat kaammattorusuppavut qiningassanngortinnertik suliffeqarfiup nittartagaatigut marsip 15-iat 2026 nallertinnagu nalunaarutigeqqullugu.

– Kalaallit Nunaanni ilaasortanit piginneqataaffigineqartut peqatigiiffiit annersaattut immikkuullarissumik periarfissaqarpugut illoqarfinni najuuffigisatsinni malunnaatilimmik allanngueqataanissamut. Demokratiskiusumik ilaasortaqarnikkut aaqqissuussaanitta qulakkeertarpaa, suliffeqarfiup Kalaallit Nunaanni ilaasortanit qinerneqarsimasut siulersuisut, suliffeqarfiullu pisortai peqatigiinnikkut niuernermik ingerlatsiviit nunatsinni sumiiffinni assigiinngitsuni ineriartortinneqarnissaannut sunniuteqaqataanissaq, taama nittarsaassinermut attaveqatigiinnermullu pisortaq Benny Reffeldt Otte oqaluttuarpoq.

Kalaallit Nunaanni qinersivinni marlunni qinersineq
Ukioq manna ilaasortat qinersivinni Nuummi aamma Qaqortumi/Maniitsumi najugallit siulersuisunut qinersinissamut sassarnissaminnut. KNB-imi ilaasortat qinersivinnut sisamanut agguataaqqapput, tamarmillu demokratiskiusumik qinerneqarsimasumik siulersuisuni ataatsimik ilaasortaqarlutik.
Siulersuisuni ilaasortat tamarmik ukiuni marlunni qiningaasarput, taamaattumik ukiut tamaasa qinersiviit marluk qinersiviusarput.

Qinersiviit ima agguataaqqapput:

1. Narsaq/Nanortalik/Paamiut
2. Qaqortoq/Maniitsoq
3. Sisimiut/Ilulissat
4. Nuuk

Ukioq manna qinersivik 2 aamma 4 qinersiviussapput.

Siulersuisut eqeersimaartut akuuffigilikkit
KNB’ip siulersuisuini ilaasortatut immikkuullarissumik periarfissaqarpoq Brugseni sunniutilimmik ineriartornera sunniuteqarfigissallugu. Siulersuisut pingaarnerpaatut suliassarivaat qulakkeerniassallugu siuariartorneq aammalu ineriartortitsinissamut periarfissiinissaq Brugsenip nukittuumik unammillersinnaassuseqarluartumillu inissisimaannarnissaanut.

KNB maanna pissanganartumiippoq, tamatumunngalu piumasaqaataavoq siulersuisut tungaanniit pitsaasunik sapiissuseqarlunilu aalajangersuisinnaaneq. Siulersuisuni ilaasortatut nutaatut qitiulluinnartumik inissisimaffigissavat Kalaallit Nunaanni kisiartaalluni niuernermik ingerlatseqatigiiffik namminersortoq 100%-imillu ilaasortanit pigineqartoq.

Brugseni app’ia atorlugu digitaliusumik qinersineq

2026-imi siulersuisunut qinersineq kingumut digitaliusumik ingerlanneqassaaq, qiningassanngortittut sassarnissaanut tunngatillugu aammalu qinersinerup ingerlanneqarnissaanut.

Qinersivinni marluusunit qiningassanngortittut nittartagaq www.brugseni.gl-ikkut qiningassanngortinnertik nassiutissavaat kingusinnerpaamik marsip 15-ianni 2026, tamatumallu kingorna katersorneqareerunik nittartakkatigut saqqummiunneqassapput.

Piffissami apriilip aallaqqaataaniit 15-iata 2026 tungaanut qineqqusaartunik Brugsenip app’iatigut qinersisoqarsinnaavoq. Ileqqoreqqusat naapertorlugit ilaasortat qinersivinni qinersisinnaatitaasut aammalu ilaasortatut illoqarfinni pineqartuni pisiniarfinnut nalunaarsorsimasut app’imi qinersinissamut periarfissiissut iserfigisinnaassavaat.

Peqatigiiffimmi 2026-imi qinersinissaq pillugu www.brugseni.gl-imi paasissutissat annertunerusut atuarsinnaavatit.