Kalaallit Nunaanni Brugseni ukiumoortumik siulersuisunut ilaasortat qinersitinneqarnissaannut piareerput. 2025-imi ilaasortanit qiningassanngortitut qinersivinni Paamiut/Narsaq/Nanortalik aammalu Sisimiut/Ilulissat qineqqusaartussanngorput. Pisariaqartinneqarput ilaasortat siulersuisut suliaannik, sulinikkut ilinniarnikkulluunniit makkuninnga piginnaasaqarnissai: aningaasaqarneq, inatsisilerineq sanaartornernikkullu ingerlatsinermut. Qiningassanngortissinnaavutit brugseni.gl aqqutigalugu ulloq 1. martsimiit 15. martsi 2025 tungaanut, tassanilu aamma periarfissaqarputit siulersuisunut qinersineq pillugu paasisaqarnerunissannut.

Kalaallit Nunaanni Brugseni 100%-imik kalaallinit pigineqartoq najukkatsinni sorlaqarfeqarluarpoq. Tamanna peqatigiiffiup ingerlanneqarneranut aammalu niuernikkut unammillersinnaassuseqarluarnissaanut kissaateqarnermut pingaarnertut tunngaviuvoq. Suliffeqarfiup ilumoorussilluni aningaasaqarnikkullu qajannaatsumik ingerlanneqarnissaat qulakkeerniarneqassappat taava siulersuisuni, suliffeqarfiup pingaarnertut qullersaqarfianni pisariaqartinneqarput ilaasortat eqeersimaartut.

– Ukiut kingulliit nunarsuarmi ataavartumik allanngorarfiusimasumi, assigiinngitsutigut unamminartuusimavoq,  aamma Brugsenimut. Brugsenimi naatsorsuutigaarput amingartooruteqarnissaq. Taamaattumik siulersuisuni inuit pikkorissut pisariaqartippavut, qullersaqarfik aamma suliffeqarfiup sinnera peqatigalugit suliffeqarfiup pitsaasumik ineriartortinnissaanut kivitseqataasinnaasunik.Siulersuisuni suliassaqarpoq annertuunik, pingaartumik Brugsenip nutaamik periusissiornermut piffissaliussamut ikaarsaarnermi. Taamaattumik kikkukkut tamarmik pisariaqartinneqartunik piginnaasallit pisariaqartinneqarput, pingaartumik makkuninnga piginnaasallit imaluunniit misilittagallit: pimoorussilluni siulersuinu sulinermit, aningaasaqarnermut, inatsisilerinermut imaluunniit sanaartornermi ingerlatsinermut, taamma siulersuisuni siulittaasoq Avijâja Rosing-Olsen oqarpoq.

Tamat oqartussaaqataanerat tunngavingalugu qinersinerup qinersivinni qineqqusaarfiusussani ingerlanneqarneratigut ilaasortat periarfissinneqassapput toqqaannartumik kikkut siulersuisuni ilaasortanit qinikkatut ilaasortaanissaannut sunniuteqarnissaminnut. Ukioq manna ilaasortat illoqarfinni ukunani najugallit Paamiut, Narsaq, Nanortalik, Sisimiut aamma Ilulissat qiningassanngortinnissaminnut, piumasaqaatinik naammassinnissinnaagunik. Siulersuisunut qineqqusaarusuttut, qineqqusaarutissatik kingusinnerpaamik 15. martsi nassiutereersimassavaat.

Qinersineq ingerlanneqassaaq piffissami apriilip aallaqqaataaniit apriilip 15-iata tungaanut, ukioq mannalu qinersineq digitalimik ingerlanneqaqqissaaq Brugseni app’ia atorlugu, taannalu taamatut peqatigiiffimmi pisussanut ingerlatsisinnaanermut tulluarsarneqassaaq.

Pingaaruteqarpoq piffissamik sioqqutsilluarluni qinersivinni ilaasortat qineqqusaartussat ilaasortaanermut paasissutissat nutarsarnissaat, tamannalu pisinnaavoq Brugseni app atorlugu imaluunniit Ilaasortanut kiffartuussivimmimmut brugseni.gl-ikkut saaffiginninnermi. Ilaasortatut paasissutissat eqqunngippata, kingunerisinnaavaa qinersinermi taasisinnaannginneq.

Qinersinerup ingerlanneqarnera peqatigiiffiup ileqqoreqqusai atuuttut tunngavingalugit ingerlanneqassaaq, tamannalu toqqaannartumik takuneqarsinnaavoq brugseni.gl-imi.

Ingerlanneqarnissaa annerusumik paasisaqarfigerusukkaanni brugseni.gl-imi allaaserineqarnera nanineqarsinnaavoq, pimoorussinerit takutissinnaavat qiningassanngortinnikkut imaluunniit Brugseni app-ia atorlugu periarfissanngorpat qinersinikkut.