Menu
Menu
Niuertarfik nutaaliaalluinnartoq Nuummi Nuussuarmi ammalerpoq
Nuussuarmi innuttaasut tamaasa pitsaanerusumik nutaaliaanerusumillu pisiniarfeqarniassammata Kalaallit Nunaanni Brugseni ataasinngornermi juuinp 30-anni 2025 Brugsenimik Nataliemik nutaamik ammaavoq. Pisiniarfitoqaq 2019-imi januaarimi ammarneqartoq ingutserneqangajalerpoq, sanianilu illuliorfissami pisiniarfittaaq kusanartoq napparneqarpoq. Pisiniarfittaaq pisinianut pitsanngorsagaavoq tuniniaavittaa initunerullunilu qaamanerulluni, neqaarniarfittaqarlunilu mamartuerniarfittaqarluni, viinneerniaqarluni, nammineq akiliisarfeqarluni il.il.
Pisiniarfik isernermiit aninermut misigisaqarluarfiusussaq
Ulloq, ataasinngorneq juunip 30-at 2025, Kalaallit Nunaanni Brugsenip Brugsenimik Nataliemik nutaarluinnarmik ammaaffia nalliuttorsiorfiuvoq. Sanaartorneq ukiorpaalunni ingerlanneqarpoq, pisiniarfittaallu ammarneqarnera nuannaffiuvoq. Ilaasortat pisiniartartullu hundredelippassuit nal. 9 ammaanermi aggiapput.
– Pisiniarfik nutaaq ullumi ammarneqartoq tulluusimaarutigeqaarput. Brugseni Natalietoqaq ukiorpaalunni ingerlalluarpoq, tamaani pisiniartartunut ilaasortaasunullu sullissilluarsimalluni. Pisiniarfiuvoq siuariartorfiujuartoq, taamaattumillu maanna tulluusimaarluta pisiniarfik nutaarluinnaq nutaaliaalluinnartorlu siunissami suli angusaqarfiulluarnerusussaq saqqummiupparput. Pisiniarfiussaaq nutaanerpaanik tamanik pilik, pisiniarfimmut isernermiit aninermut misigisaqarluarfiusussaq, pisortaaneq Allan Kristoffersen, pisiniarpassuarnik ilaasortarpassuarnillu nal. 9 ammaanermi iserluaqqusisoq, oqaluttuarpoq.
Pisiniarfik nutaanerpaanik tamanik pisiffiusinnaammat pisiniartartut, ilaasortat sulisullu sapinngisamik pitsaanerpaanik avatangiiseqassapput. Pisiniarfimmi quleriit marluupput, quleriinni alleq pisiniarfiulluni, neqaarniaqarluni mamartuerniaqarlunilu, viinneerniaqarluni nutaaliaasunillu nillataartitsiveqarluni nioqqutissaasiveqarlunilu. Qulaani angisuumik atoruminartumillu toqqorsiveqarpoq nutaalianillu allaffeqarluni, atisalersortarfeqarluni kantiinaqarlunilu.
Karsimi assigiinngitsunik pingasunik akiliisarfeqarpoq, pisiniat pisiassaat qanorluunniit amerlatigigaluarpata akiliipallassinnaaniassammata. Nammineq akiliisarfiit nutaat pisinianut pisiakitsunut anipallakkusuttunullu naatsorsuussaapput. Kioskimi karsit minnerit pisinianut sulisumit sullinneqarusuttunut pisiassaqarnerulaartunut kioskimiluunniit pisiassalinnut naatsorsuussaapput. Karsi anneq pisinianut pisiassaqarluartunut naatsorsuussaavoq.
– Pisiniarfittaap misigisaqarluarfiunissaa pilersaarusiorluarparput, soqutiginartuni pilerinartunillu pisiassaqarniassammat aammalu nammineq kissaatigisatut akiliinissamut periarfissaqarniassammat. Pisiniarfik orniginarpoq isersimaffigiuminarlunilu, soorunamilu pisiniarfiup ilusilersorneranut isikkuanullu atatillugu nutaanerpaanik atuivugut, piffissami pisiniarfigisami tamarmi Brugseni app-i aamma atorneqarsinnaaniassammat, tuniniaanermut ingerlatsinermullu pisortaq Mark Kobberrød oqarpoq.
Niuertarfimmi aqutsisoq ilisarisimaneqarluartoq ataannarpoq
Niuertarfimmik aqutsisoq Jørgen Hammond pisiniarfittaami aqutsisuuginnassaaq. Jørgen Hammond Uummannarmiuuvoq, pisiniarfimmiutullu sulinermini Brugsenimiunerusoq sulisarsimalluni tullersortitut, immikkoortortami aqutsisutut, nerisassanut pisortatut maannalu niuertarfimmi aqutsisutut.
– Jørgen niuertarfimmi aqutsisut Brugsenimi ineriartorluarsimasut ilagaat, pisiniarfitoqqamilu atugassarititaasut killeqaraluartut sulilluarsimaqaaq. Nuannaarpugut Jørgen suleqataalu pikkorissut tassani sulinertik ingerlatiinnassammassuk misilittakkatillu tamaasa pisiniarfittaami atussammatigit, pisortaaneq Allan Kristoffersen oqarpoq.
Pisiniarfitoqaq siornatigut Brugseni Nataliaasimasoq qanittukkut isaterneqareerpat pisiniarfiup saavani biilinut unittarfiliortoqassaaq. Taamaattumik biili isertarfimmut qanittumut inissinneqariaannaassaaq pisiallu angerlaanneqariaannaassaallutik.
Brugseni pisiniartartunik ilaasortaanillu tamanik pisiniarfittaamut iserluaqqusivoq!
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2025 · Kalaallit Nunaanni Brugseni
Cookies og privatlivspolitik – Whistleblowerordning