Menu
Menu
Tallimanngorpat obtobarip 18-ianni nal. 08:00 Kalaallit Nunaanni Brugseni pisiniarfimmik nutaarluinnarmik elektronikkeerniarfiusussamik iggavimmi atortussaarniarfiusussamik ammaassaaq. Pisiniarfik POWER Danmarkimiittoq, nioqqutissanik qinigassarpassuarnik pingaarnertut pisiortorfiusoq, qanimut suleqatigalugu. Brugsenip ilaasortanut Divi Plussinik ajunngittorsiassaqartitsisarnera pisiniarfimmi atuutinneqassaaq.
Elektronikkit iggavimmilu atortut tamalaat… Divi Plussilu
Pisiniarfik nutaaq ”Powered by Brugseni” tallimanngornermi oktobarip 18-ianni ammassaaq. Kalaallit Nunaanni Brugseni pisiniarfittaamik, Panduro Hobbymut taartaasumik, ammaassaaq. Pisiniarfimmi elektronikkit iggavimmilu atortut qinigassat nutaaliaapput, immikkuuullarissut unammillerluarsinnaasunillu elektronikkinik atugassiat angerlarsimaffimmilu atortorissaarutit tungaatigut toqqagassaqarluarluni.
– Tulluusimaarutigalugu nuannaarutigaarput pisiniarfimmik nutaaliaasumik Nuup qeqqani kiisami maanna ammaasinnaanngoratta ilaasortavullu pisiniartartullu elektronikkimut angerlarsimaffimmilu atortunut tunngatillugu pitsaanerungaartunik neqerooruteqarfigisinnaanngorlugit. Sivisuumik tamanna kissaatigalugulu anguniagarisimavarput, maannalu kiisami piviusunngorpoq. Nuannaarutigaarputtaaq nalunaarutigisinnaagatsigu ilaasortanut iluanaarutissiissut Divi Plussi aamma ilaasortatsinnut iluaqutaassammat ”Powered by Brugseni”-mi pisiniarnermi, taamaasilluni ilaasortanut iluanaarutit tamarmik akinut iluanaaruteqarluareerfiusut qaavatigut suli iluanaarutaanerusartussaammata, siulersuisuni siulittaasoq Avijâja Rosing-Olsen oqaluttuarpoq.
POWER qanimut suleqatigalugu
Pisiniarfik nutaaq POWER Danmarkimiittoq, pingaarnertut pisiortorfiusussaq, qanimut suleqatigalugu pilersinneqarpoq. Nioqqutissatut toqqarneqartut pitsaanersaralugillu tunisaanerpaartaraat pisiniartartunullu tamalaanut – nutaaliaanerpaanik pisiumanerusartunut aammattaarlu atortutoqqanik sipaarnarnernillu piserusunnerusartunut – naleqquttuullutik.
– POWER-imik suleqateqalersimanerput nuannaarutigeqaarput, taakkua nioqquteqarfimmi Kalaallit Nunaata avataani unammillerfiungaatsiartartumi ukiorpassuarni immikkut ilisimasaqalersimanerat misilittagaqarluarnerallu iluaqutigissagatsigit. Aammattaaq Kalaallit Nunaanni tuniniaanermik pisiniartartunillu siunnersuinermi piginnaaneqarnerpaat sulisorilersinnaasimavavut. Taamaattumik anguniagarput tassaaginnanngilaq nioqqutissanik qinigassatigut, akitigut ilaasortanullu iluanaarutissiisarnikkut unammillersinnaanissaq, aammali tassaavoq pisiniartartut tamarmik immikkut pisariaqartitaat aallaavigalugit siunnersuilluarsinnaaneq sullissilluarnerpaasinnaanerlu, direktøriugallartoq Kent Helberg oqaluttuarpoq.
Brugseni app-imi malinnaagit
Ammaanersiorluni neqeroorutinik aviisi digitaliusoq sapaatip-akunnerani matumani Brugseni appimiissaaq, tassanilu neqeroorutit immikkorluinnaq ittut ullormi ammaanersiorfimmit atuutilersussanik saqqummiussisoqassaaq. Sapaatit-akunneri tamaasa Brugseni app-imi malinnaasarina, ilaasortanullu iluanaarutit ingerlaavartumik nalunaarutigineqartartut atortarigit illit ilaasortatut suli niuerluarneruniassagavit.
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2025 · Kalaallit Nunaanni Brugseni
Cookies og privatlivspolitik – Whistleblowerordning