1. Qanoq iliortarpat?

Brugseni app-i downloadersimassavat app-imilu ilaasortatut profilinnut isersimassallutit. Tassani korti akiliut sorleq atorusunnerlugu toqqassavat.

Kortit uku ilanngussinnaavatit: Dankort, Mastercard, Visa, Amex, JCB imlt. UnionPay. Korti akiliut ataasiinnaq ilanngussinnaavat. Korti akiliut piumalleraangavit taarsertarsinnaavat.

2. PIN-kode

Kortimik akiliummik ilanngussigaangavit PIN-kodemik akiliileraangavit atortagassannik toqqaasassaatit. Ullulli ataatsip ingerlanerani 350 kr. tikillugu akiliisarsinnaavutit PIN-kode allannagu.

3. Akiliineq

Aningaasat kortimit akiliummit tiguneqaraangata Brugseni kortinnik atulersitsisumit akuersissummik piniartarpoq, tamannalu korti akiliut akiliutigineqarsinnaanersoq aalajangiisuusarpoq. Akiliutigeqquneqarsinnaasut (gebyrit) kortimik atulersitsisut malittarisassiaannut naapertuuttarput.

4. Ilaasortaanermut kortit mobililluunniit katatat

Ilaasortaanermut app-it ilaasortaanermulluunniit kortit inummit allamit atorneqarpat illit tamanna ilaasortatut akisussaaffigivat.

Ilaasortaanermut kortit annaasimagukku sukkanerpaamik Ilaasortanik sullissivimmut tlf. 36 35 00-imut attaveqassaatit ilaasortaanermullu kortit matutillugu.

Pinkode allanit paasineqarsimasorigukku kodet ingerlaannaq allanngortittariaqassavat app-i aqqutigalugu.

Telefonit annaasimagukku innersuussutigissavarput kortit akiliutigisartakkat matuteqqullugu. Tamanna ingammik pingaaruteqarpoq telefoninni isissutissamik kodeqanngikkuit.

5. Ilaasortatut nalunaarsorneqarnissamik taamaatitsineq

Aalajangersimasumik pisininni korti akiliutit ilanngussat pisinerit ilaasortatut pisiaqarnertut nalunaarsorneqartinnagu atorusukkukku tamanna karsimi sulisunut paasititsissutigissavat. Taamaaliussaguit pisininni Divi Plussi-ssanik katersinavianngilatit.

6. Atornerluineq

Atornerluisoqarnera atornerlueriartoqarneraluunniit paasineqarpat Brugsenip ilaasortaasup aaqqissuussamik atuisinnaanera matutissinnaavaa.

7. Piumasaqaatinik allannguineq

Brugseni piumasaqaatinik taakkuninnga qaqugukkulluunniit allannguisinnaavoq. Atuisoq allannguinerit tamakku pillugit nalunaarfigineqassaaq, taassumalu piumasaqaatit nutaat akuerissavai aaqqissuussamik atueqqissinnaassaguni.