Brugseni ”Great Place to Work”-imik uppernarsaaserneqarpoq

Brugseni 2019-imi februaarimi ”Great Place to Work”-imik uppernarsaaserneqarpoq. Kalaallit Nunaanni suliffeqarfiit tamatuminnga uppernarsaaserneqartut siullerpaartaraat.

Brugseni ukiorpaalunni sulisut tamarmik naammagisimaarinninnerannik misissuisarsimavoq, ukiunilu kingulliunerusuni Danmarkimi Great Place to Work peqatigalugu misissuisoqartarsimavoq. Misissuinerit iluaqutigalugit suliffimmi avatangiisinik sulisullu suliaminnik nuannarinninnerannik naliliisoqartarsimavoq, tamatumalu kingorna naliliinerit taakku assigiinngitsunik suliniuteqarnissamik pilersaarusiornermut atorneqartarsimapput. Uppernarsaasiinissamik suliniuteqarnerup sivisuup kinguneranik Brugseni maanna Kalaallit Nunaanni siullersaalluni ”Great Place to Work”-itut taaneqarsinnaanngorsimavoq.

Pisortaq Susanne Christensen ima oqaluttuarpoq: ”Taamatut uppernarsaaserneqarnerput tulluusimaarutigeqaarput. Piffissami sivisuumi pisortatut sulisunullu periutsit sulissutigisimavavut, taakkulu tatiginninnermik, ataatsimooqatigiissinnaanermik, sapiissusermik tulluusimaarutiginninnermillu tunngaveqarput. Taamaattumik nuanneqaaq ilungersorluta sulinitta inerititai maanna takusinnaagatsigit. Uppernarsaasiineq sulisutta tamarmik immikkut Brugsenimik naliliinerannik tunngaveqarpoq, tamannalu tulluusimaarutigeqaarput. Suliffeqarfittut sulisuvut siumut iluatsilluarnissatsinnut tunngavissatut isigaavut, aamma taakku taakkualu ilungersorlutik sulinerat pingaarteqaavut.”

Uppernarsaaserneqarnikkut Brugsenip kissaatigaa suliffeqarfitsinni suliffissatut ilinniarfissatullu neqerooruterpassuit takussaanerulernissaat. Brugseni Ilulissaniittoq ammarneqarpat 50-inik nutaanik suliffissaqalissaaq. Brugseni suliffeqarfiuvoq pisiniarfiit immikkoortortaasa ilaanni pisortatullu atorfinni qaffakkiartornissamut periarfissaqarluartoq.

Uppernarsaasiissut

Uppernarsaasiinissaq aalajangiiffigineqartarpoq ilaatigut sulisut suliffitsik pillugu apersuinermi immersugassanik immersugaat tunngavigalugit, ilaatigullu Great Place to Work-ip suliffeqarfiup politikkianik, sulisaasiinik kulturianillu allaatigisanik naliliinera tunngavigalugu.

Uppernarsaaserneqarumalluni Trust Index-misissuinermi minnerpaamik 70%-imik angusaqarsimasariaqarpoq Kulturprofil-imilu nalilersuinermi 250-init minnerpaamik 125-nik poitinnassimasariaqarluni. Uppernarsaaserneqarnermi suliffeqarfik automatiskimik Danmarks Bedste Arbejdspladser-mut piukkunneqartarpoq suliffeqarfik piumasaqaatinik eqqortitsisimappat – peqataajumappallu.

Great to Work-imik uppernarsaaseeriaaseq San Fransiscomi USA-miittumi Great Place to Work®-imit ineriartortinneqarpoq, toqqaanerillu assingusut silarsuaq tamakkerlugu nunani 55-ini pisarput. ”Great Place to Works naapertorlugu suliffik pitsaasoq tassaavoq sullitanik tatiginniffiusoq, sulianik tulluusimaarutiginniffiusoq suleqatinullu atalluarfiusoq.”

Great Place to Work-imik aallarniisup Robert Leveringip suleqataatalu Milton Moskovitzip ukiorpaalunni misissuinerannit paasinarsivoq tallimat suliffiulluartuunissamut aalajangiisuusartut: Tatiginassuseq, Ataqqinninneq Naapertuilluarnerlu pisortaasut sulisullu akornanni tatigeqatigiilersitsisartuupput, taakkununngalu ilatiginneqarput Tulluusimaarneq Ataqatigiinnerlu.

Tallimat taakku uani naatsumik allaatigineqarput:

  • Tatiginassuseq ineriartortinneqartarpoq attaveqatigiissinnaassuseq pisortaanermilu piginnaasat assuarnaassuserlu tunngavigalugit.
  • Ataqqinninneqpilersarpoq sulisut pisortanit ikorfartorneqarlutillu suleqatigineqarlutillu isumassorneqaraangata.
  • Naapertuilluassutsimut ilaapput suliffimmi ingasaassinnginneq, kinaassusersiortuunnginneq naligiinnerlu.
  • Tulluusimaarneq pilersarpoq sulisup suliani suleqatinilu pillugit aamma suliffeqarfik pillugu misigissutsinit.
  • Kingulleq, Ataqatigiinneq, qanoq ilakkuminartiginermut, tassa suliffeqarfimmi qanoq ataqatigiitsigalunilu inussiarnertiginermut, tunngassuteqarpoq.

Great Place to Work-ip nittartagaani uani paasisaqarnerugit: www.greatplacetowork.dk

Aqqusinersuaq 4, 2 th. P.O.Box 1092 3900 Nuuk
M: info@knb.gl T: +299 36 35 00 F: +299 32 38 39
CVR 15787406

Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.

Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.

© Copyright 2019 · Kalaallit Nunaanni Brugseni · Coop Danmark A/S

Følg Brugseni