Menu
Menu
Kalaallit Nunaanni Brugsenimi ilaasortaaneq isumaqarpoq suliffeqarfimmut piginneqataasutit. Ilaasortaanerpit pisinnaatippaatit ilaasortatut iluanaaruteqarnissat. Ilaasortanngorusukkuit najukkami Brugseni attaveqarfigiuk.
Brugsenimi ilaasortatut Brugsenip pisiniarfiini tamani pisiavit amerlanersaat 3%-imik Divi Plussi-nassutigisassavatit. Aammattaaq immikkut ittunik ilaasortanut neqerooruteqartarsinnaavoq pisiassanut aalajangersimasunut tunngatillugu saniatigut Divi Plussi-nnassutigisinnaasannik. Brugseni app-imi sap. ak. tamaasa neqeroorutit assigiinngitsut atuuttut takusinnaasassavatit.
Ilaasortaanermut konto
Brugsenip pisiniarfiisa arlaanni pisiniariiginnartut pisiannillu Brugseni app-i ilaasortaanermulluunniit korti atorlugu scannereriiginnartutit ilaasortaanermut kontot Divi Plussi-nik immerneqartassaaq. Divi Plussi-nnariiginnartutit taakku Brugsenip pisiniarfiini akiliutigisinnaavatit. Brugseni app-imut isersimagaangavit Divi Plussi-ssatit malinnaavigisarsinnaavatit.
Ilaasortanut akikillisata
Aviisini neqeroorutit, ilaasortanut neqeroorutit najukkannilu neqeroorutit iluanaarutaasinnaalluartut app-imi sap. ak. tamaasa takutinneqartartut malinnaavigilluarsinnaavatit.
* Pisiassat makku Divi Plussi-nnassutaaneq ajorput: Baajat, imigassat sakkortuut, cideri, aviisit, cigaretsit, pujortagassat allat, uulia ikummatissaq, frimærkit, bilitsit, nakorsaatit, checkit tunissutisiat, utertitassat, spil-it lotteri-llu tamarmik sullissinerillu allat; ilaatigut pisartagaqalernissat, Morebox telekort-inillu tuniniaanerit.
Ilaasortanut atugassarititaasut
Ilaasortatut Kalaallit Nunaanni Brugsenimi suleqataasinnaasunilu aningaasatigut allatigullu iluanaaruteqarsinnaavutit.
Ilaasortaaneq ilaasortanngorniarnerlu
Ilaasortanngorumallutit 15-ileereersimasariaqarputit.
Ilaasortanngornialeruit pisiniarfimmi 25 kr.-inik ilaasortanngornermi akiliuteqassaatit.
Pisiniarfigisartagaq
Ilaasortanngulerninni Brugseni ilaasortanngornermi akiliuteqarfigisat pisiniarfigisartakkatut toqqarneqartarpoq.
Pisiniarfigisartakkat qaqugukkulluunniit allanngortissinnaavat.
Ilaasortaanikkut aningaasatigut iluanaarutit
Brugsenimi Divi Plussi-nnattassaatit allanillu ilaasortatut iluanaaruteqartutit malittarisassiat naatsorsuutillu atuuttuartut, brugseni.gl-imi atuarsinnaasatit, naapertorlugit.
Sumiluunniit pisiniarfigisartagaqaraluarlutit ilaasortatut iluanaarutigineqarsinnaasut nalinginnaasut iluanaarutigisinnaavatit. Pisiniarfiit ilaat namminneq neqeroorutigisamik saniatigut ilaasortanuinnaasunik neqerooruteqartarput.
Divi Plussi-nnakkumallutit allanillu ilaasortatut iluanaaruteqarumallutit qulakkiissavat pisiavit ilaasortatut pisiarineqartutut nalunaarsorneqarsimanissaa. Taamaaliortoqartarpoq Brugseni app-i atorlugu, ilaasortaanermut korti scannerlugu imlt. Pisiavit ilaasortatut pisiarineqartutut nalunaarsorneqarnissaat illit nammineq akisussaaffigivat.
Ilaasortat najugaqatigiittut Divi Plussi-ssatik konto ataatsimoorussami tamarmik iserfigisinnaasaminni katersorsinnaavaat.
Divi Plussi-t Kalaallit Nunaanni Brugsenip pisiniarfiini tamani atorneqarsinnaapput.
Ukiuni pingasuni ataqatigiissuni ilaasortatut pisiaqarsimanngikkuit Divi Plussi-nnassutigisinnaasatit kontonniittut atorunnaassapput
Brugseni app-i ilaasortaanermut profilit
Brugseni app-imut isernissamut kodemik isissutissamik illit nammineq atugassannik tunineqassaatit. (App-inik downloaderiffigisartakkanni Brugseni ujarlugu app-i nanisinnaavat.)
Tamatumani ilaatigut takusinnaavatit ilaasortanut neqeroorutit, nutaarsiassat, paasissutissat Brugsenimilu pisiniarfigisartakkannilu pisussat. Divi Plussi-ssatit malinnaavigisinnaavatit, ilaasortaanermut profilit nutartersinnaavat mailinillu nutaarsiassanik ilaasortanut iluanaarutissanut atuuttunut tunngasunik imalinnik nassitsittalersinnaallutit unitsitsisinnaallutilluunniit.
Illit nammineq iluaqutiginiassagakku profilit nutartertuartariaqarpat. Kodevit isissutissap susassarinninngitsunut paasissutissiissutiginnginnissaa illit nammineq akisussaaffigivat.
Ilaasortatut aalajangeeqataasinnaaneq
Ilaasortatut iluanaarutigisinnaasavit saniatigut ilaasortaagavit pisiniarfigisartakkanni ilaasortatut aalajangeeqataanissamut periarfissaqarputit. Ilaasortat qinerseqataasinnaallutillu qinerneqarsinnaatitaapput, soorluttaaq Kalaallit Nunaanni Brugseni-mut malittarisassiani tamanna allaatigineqartoq. Malittarisassiat brugseni.gl-imi downloaderneqarsinnaapput.
Ilaasortaajunnaarneq
Kalaallit Nunaanni Brugsenimi qaqugukkulluunniit ilaasortaajunnaarsinnaavutit allagaqarlutit. Divi Plussi-ssat aningaasanngorlugit tunniunneqarneq ajorput.
Ilaasortanut piumasaqaatinik allannguineq
Kalaallit Nunaanni Brugseni ilaasortanut piumasaqaatinik iluanaarutinillu malittarisassianut atuuttuartunut naapertuuttumik allannguisinnaavoq. Ilaasortanut piumasaqaatit atuuttut brugseni.gl-imi atuarsinnaavatit.
Kalaallit Nunaanni Brugseni kortinik taarsiinermut kortinulluunniit allanut akiliuteqartitsisinnaavoq. Akiliutit atuut brugseni-gl-imi allassimapput.
Ilaasortanik sullissivik
Ilaasortanik sullissivik attavigineqarsinnaavoq una-mut allalluni.
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2023 · Kalaallit Nunaanni Brugseni
Cookies og privatlivspolitik – Whistleblowerordning
