Corporate Social Responsibility

Brugsenimi takorluugarput piujuartitsilluni ineriartortitsinermik, nutaaliornermik suleqatigiinnermillu pingaartitsilluinnarfiuvoq. Takorluugarput imaappoq: ”Peqatigiilluta ineriartortitsisa, sapinngilagut”. Akisussaassuseq piujuartitsinerlu suliffeqarfitsinni qitiusutut naleqartitaapput ullut tamaasa mianerisakkavut.

Tamanna tunngavigalugu inuiaqatigiinnut akisussaassuseqarneq pillugu suleriaatitsinnittaaq Piujuartitsilluni ineriartortitsinermi FN-ip Nunarsuarmi anguniagai aallaavigaavut. Suliffeqarfimmut Brugsenimut inuiaqatigiinnullu kalaallinut siunertaqarluarnerpaamik naleqarluartumillu iluaqutaarusunnerput aallaavigalugu sulivugut. Taamaattumik Nunarsuarmi anguniakkat 3, 4, 12 aamma 17 immikkut anguniagaraavut.

Politikki tamanna Brugsenip sullissivianut pisiniarfiinullu tamanut atuuppoq.

Peqqissuseq

  • Pisiniartartut sulisullu peqqinnarnerusumik inooriaaseqarnissamut kajumissisikkusuppavut, tamatuminnga aalajangiussinissaannik peqquinnarnagit
  • Pisiniarfiutitsinni tamani peqqinnartunik toqqagassiilluta peqqinnartunik pisiassaqarnissaa qulakkeerusupparput

Avatangiisit silallu pissusia

  • Avatangiisit pitsaanerulernissaannut taperseeqataarusuppugut innaallagissamik pisiniarfiutitsinnillu ingerlatsinermi isumalluutinik pisiniarfiutitsinnik ingerlatsinermi atortakkatsinnik sipaarnitsigut
  • Aaqqiissutit atortullu sapinngisamik avatangiisinut ajoqutaannginnerusut siunissami aningaasaliiffigisarusuppavut
  • Pisortaqarfinnut soqutigisaqaqatinullu allanut siuttoorusuppugut saniatigullu siunersiortagaarusulluta suleqataarusullutalu, atoqqiinermi eqqakkanullu tunngatillugu aaqqiissutinik Kalaallit Nunaanni ineriartortitseqatigiinniassagatta
  • Poortuutinik plastikkinillu aqutsiffigisinnaasatsinni annikillisaanissarput pingaartikkusupparput, pisiortorfigisartakkavullu aamma taamaaliornissaannut sunnerniarsarerusuppavut
  • Nerisassanik eqqaanitsinnik annikillisaalluarusuppugut, pisiniartartullu aamma taamaaliornissaannut kajumissisikkuppavut
  • Avatangiisinut sunniutipiloqannginnerujumalluta nioqqutissanik assartuisarnitsinnik sapinngisamik pitsanngorsaarusuppugut

Sulisut

  • Ukiut tamaasa Great Place to Work-itut uppernarsaaserneqartarnissarput noqqaassutigissavarput suliffimmik pilerinartuutitsillutalu ineriartorfiutitsinitsigut
  • Suliffiorusuppugut inunnik aallaaveqartoq ineriartortitsiuarnikkullu piginnaanngorsaajuarnikkullu ulluinnarnik piumassuseqartitsisunik ilinniarfiulluartunillu pilersitsilluta
  • Pisortanik pikkorissunik inerisaanermi pisassarfiorusuppugut, sulisut, suleqarfiup pisiniartartullu iluaqutissaannik
  • Siunissami inuusuttunut praktikkerfissatut suliffissatullu pilerinartoorusuppugut ilinniartuvullu sapinngisamik pitsaanerpaamik ilinniagaqartillugit, Kalaallit Nunaanni Brugsenimi atorfimminni allamiluunniit qaffassartuarsinnaaniassammata
  • Suliassaqarfinni assigiinngitsuni ilinniartoqarusuppugut qulakkeerlugulu ilinniarnerisa assigiiaamik ingerlanneqartarnissaat
  • Suliffeqarfitta toqqissisimanarlunilu isumannaatsuunissaa sulissutigisaannarusupparput, taamaattumillu siunissami ajutoortoqarnissaanik ajoqusertoqarnissaanillu pinngitsoortitsiumalluta sulinermi ajutoornernik, navialiffiusinnaasunik ajutuungajannernillu malittarinnittarusuppugut

Inuiaqatigiit

  • Kalaallit Nunaannik ineriartortitseqataalluarusuppugut taamalu tamatumunnga tunngavissiisunik naleqquttunik suleqateqarusullutalu sammisaqarusulluta. Kalaallit Nunaanni ilinniagaqarneq immikkut ukkataraarput, periarfissaasullu aallaavigalugit nioqqutissiassanik nunatsinneersunik siuarsaanissaq sulissutigaarput

Ileqqorissaarluni niuerneq peqquserlullunilu iluanaarniarnermik akiuineq

  • Peqquserlutsitsinernik peqquserlullunilu iluanaarniarnernik sunilluunniit akuersaanngilagut
  • Læs vores fulde politik på området her

Inuttut pisinnaatitaaffiit

  • Suliffeqarfiup sunniuteqartarfiini inuttut pisinnaatitaaffinnik nunani tamalaani nalunaarutigineqartunik tapersersuillutalu ataqqinnippugut, inuit pisinnaatitaaffiinik innarleeqataannginnissarput qulakkeerniassagatsigu
  • Illit pisiniartartutut pisiavit pisiortortarfitsinniilli illersorneqarsinnaasumik tunisassiarineqarsimanerannik ilisimanninnissannik qulakkeerinissarput sulissutigerusupparput. Tamanna pisassaaq pingaarnermik Coopimik Danmarkimiittumik qanimut suleqateqarnitsigut
  • Nunatsinni pisiortortarfivut ilisimasaqarfigilluakkavut qanittumik suleqatigisarpavut inuiaqatigiinnut akisussaassuseqarneq pillugu politikkitsinnik malinninnissaat qulakkeerniassagatsigu.
  • Læs virksomhedens Code of Conduct her

Rapportip siulii

Aqqusinersuaq 4, 2 th. P.O.Box 1092 3900 Nuuk
M: info@knb.gl T: +299 36 35 00 
CVR 15787406

Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.

Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.

© Copyright 2021 · Kalaallit Nunaanni Brugseni 
Cookies og privatlivspolitik

Følg Brugseni