Suleqatigiilerpugut qaammaterpassuarni ataatsimeeqattaarnerit kingunerisaannik. Niuertarfeqarfiit siornatigut namminneerlutik Paarisamik suleqateqallattaasarnerata kinguneranik malittarinniffiulluarsimanngitsunik Kalaallillu Nunaanni peqqissutsimut sunniutaannik misissuiffiulluarsimanngitsunik immikkut suliniuteqartoqartarsimavoq. Inuit pisiarisartagaannik naatsorsorneqarsinnaasunik paasissutissarsiffigineqarsinnaasumik suleqatigiinnerullu sunniutaanik paasisaqarfiusinnaasumik suleqatigiittoqarnissaa kissaatigineqarsimavoq.

Suleqataasut tamarmik nalunaarsuinermi kisitsisit nioqqutinik eqqaaneqartunik tuniniaanermi anguneqartut qaammatit pingasukkaarlugit Paarisamut nalunaarutigisassavaat, kisitsisillu taakku naatsorsoqqissaakkanik nalunaarsuivimmut nuna tamakkerlugu niuertarfeqarfinni tuniniaanerup ineriartorneranik tamakkiisumik takussutissiisinnaasumut Paarisap katersortassavai. Siunertaavoq piffissami takkuttumi nioqqutissanik tulluartunik sunik ilanngussisinnaanerput misissuivigissagipput, nioqqutissat allanngueqataasinnaasut amerlanerit naatsorsuiffigalugillu suliarisinnaaniassagatsigit.

Uani atuaruk