Brugseni logo

Pisiassanik pisiortorfipput

100 %-imik kalaallinit pigineqartutut, misigisimavugut pingaaruteqartoq qulakkiissallugu sullitatta isumannaatsumik ileqqorissaartumillu pisiniarsinnaanissaat.

Isumaqarpugullu uagut akisussaaffigalugu qulakkeerinnissalluta, pisiassanik pisiortorfipput naammaginartumik pitsaassuseqassasoq.

Pisiassanik pisiortorfipput suleqateqarnerput piumasaqaatitsinnut “Code of Conduct”-imik taasaq naapertuutissasoq. Uani quppernermi malittarisassat atuarneqarsinnaapput, suleqatigisatta isumaqatigiissusioqatiginerini atsiortagaat “Code of Conduct”-imik taasaq. Atsioqatigiittoqartarnerani pisiavit pitsaassusai qulakkeerneqartarput.

Code of Conduct

Kalaallit Nunaanni Brugsenip “Code of Conduct”-ia pisiassanik pisiortorfiisa tamarmik malittussaavaat. Pisiassanik pisiniartarfiit atsiornermikkut uppernarsartarpaat pisinermi piumasaqaatit naapertuuttut. Kalaallit Nunaanni Brugseni CSR Greenland-imut ilaasortaavoq www.csr.gl

Code of Conduct-itta imarivaa:

  • Najukkami inatsit malinneqassaaq
  • Meeqqanik sulisoqarneq akuerineqanngilaq.
  • Pinngitsaaliissummik sulisoqarneq akuerineqanngilaq.
  • Sulisut timikkut, tarnikkut, allakkulluunniit pillarneqassanngillat, allatulluunniit nikanarsarneqassanngillat.
  • Suliffeqarfiup peqqinnartuunissaa pingaartinneqassaaq sulisullu avatangiiserissaarnissaat pingaartinneqassalluni.
  • Sulisut pisinnaatitaassapput peqatigiiffeqarnissaminnut aningaasarsiassaminnillu ataatsimoortumik isumaqatiginninniarsinnaatitaassallutik.
  • Immikkoortitsineq akuerineqanngilaq.
  • Sulinerup sivisussusaa aningaasarsiallu nunami malittarisassat malinneqassapput.
  • Nammineq piumassuseq malillugu qaangiuttoortoqarsinnaavoq, qaangiuttoornerlu akilerneqassaaq.
  • Kalaallit Nunaanni Brugseni piginnaatitaavoq pisianik piniartarfimmi sanaartorneq misissuiffigissallugu, isumaqatigiissutit malinneqarnersut qulakkeerlugu.
  • Nakkutilliinermi nassaartoqassappat malittarisassanik malinnittoqanngitsoq, pisianik piniartarfiup nakkutilliinermi aningaasartuutit akilertussanngussavai.
  • Kalaallit Nunaanni Brugseni pisinnaatitaavoq pisianik pisiniartarfiup suleqatiginera ingerlaannaq unitsinnissaa malittarisassat unioqqutinneqarsimappata, naammaginanngippata, imaluunniit isumaqatigiissutip iluani aaqqiisoqanngippat. Nioqqutissat tamarmik utertinneqassapput pisiallu pisianik pisiniartarfimmiit aaqqiivigineqassallutik.
  • Kalaallit Nunaanni Brugseni pisinnaatitaavoq, pisiassanik pisiortorfik suleqatigiunnaarnerani suliffeqarfiup atia tusagassiuutitigut saqqummiutissallugu.
  • Uani Code of Conduct atuaruk

Nunatsinni pisiassanik pisiortorfiuvit / nioqqutissiortuuit ?

Nunatsinniit nioqqutissiortunik ujarlertuaannarpugut. Najukkami pitsaasumik nioqquteqaruit tuniniakkatsinnut tulluussinnaasumik, ataani immersugassaq immersorsinnaavat. Taamaallaat nunatsiniit nioqqutissiortut ujartorpagut, Kalaallit Nunaanni suliffeqarfiuteqaruit tusarfigerusuppatsigit. Eqqaamallugu suliffeqarfik nerisassanik tuniniaappat suliffeqarfik Fødevarestyrelse-mi nalunaarsorneqassammat.

Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406

Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.

Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.

© Copyright 2023 · Kalaallit Nunaanni Brugseni 
Cookies og privatlivspolitik – Whistleblowerordning

Følg Brugseni

Facebook