Previous
Next

Kalaallit Nunaannit Brugseni

Kalaallit Nunaanni Brugseni Kalaallit Nunaanni pisiniarfissuit annersaasa ilagivaat.

Pingaartitat sulinitsinni aallaavigisagut, ilaasortatsinniit ilusilersorneqarnikuupput.

Suliffeqarfittut Kalaallit Nunaanni pinngortitamik nittarsaagaangatta Kalaallit naleqartitaat ataqqisarivagut.

Naleqartitatut aallaavigisagut pilersinneqarput sunniuteqaqataanikkut, tutsuiginassuseqartumik, isumatusaarluarnikkullu.

Brugseni – 100%-imik kalaallinit pigineqartoq

Kalaallit Nunaannut immikkorluinnaq attuumassuteqarpugut. 1991-imi najukkami peqatigiiffiit arlallit Kalaallit Nunaanni Brugseni, pisiniarfeqarnermi peqatigiiffik ataatsimoorussaq, Kalaallit Nunaanni nioqqutissanik pitsaanerpaanik, pilerinarnerpaanik akilinnik, ilaasortanut iluanaaruteqartitsiviusunik atugassaqartitsiffiusoq pilersinniarlugu ataatsimoorput.

Ukiuni kingullerni 30-ni pisoqangaatsiarpoq, kisiannili kalaallinit 100%-inik pigineqarnerput pillugu tulluusimaarnerput allannguuteqanngilaq. Ullut tamaasa inunnut tusindinut arlalinnut katersuuffiuvugut, aammalu ullut tamaasa atuisutta najukkaminni pisiniarnissamut periarfissaqarnissaat qulakkeertarput.

Kalaallit Nunaannut atasuunitta kingunerisaanik nunatta pitsaanerusumik siunissaqarnissaanut ikiuunnissamut akisussaaffeqarneq annertoorujussuarmik misigisarparput. Suliffeqarfitta nunatsinni ineriartornermi, piujuartitsinermi aammalu kalaallit inuussutissarsiutaat akimorlugit periusissiornikkut suleqateqarnermi pitsaanerulersitsinissaa qulakkeereqataaffigissavarput.

Siulersuisugut qullersaasut najukkani najuuffigisatsinni oqartussaaqatigiinneq tunngavigalugu qinikkanik ilaasortaqarput, kiisalu piginnaaneqarluartunik sulisoqarpugut, suliffeqarfiup Kalaallit Nunaanni ingerlanissaanut qulakkeerisunik isumaginnittunillu.

Brugsenip Ilaasortaasa Sinniisai (BIS) najukkatsinni ilaasortanut sinniisutut atuupput, taakkulu illoqarfinni ilaasortat ataasiakkaat akornanni oqartussaaqatigiinnermik tunngaveqarluni qinigaapput. BIS-imut ilaasortat najukkani ilaasortat iluaquserneqarnissaannik, kiisalu Brugseni qitiutillugu najukkami avatangiisinik uummaarissunik pilersitsinissamik qulakkeerinissaq akisussaaffigaat.

Kalaallit Nunaanni pisiniarfeqarfiit annerit ilagaatigut, aammalu illoqarfinni arfineq pingasuni najuuppugut katillugillu 18-inik pisiniarfeqarluta. 600-t missaannik sulisoqarpugut, ullullu tamaasa inuit tusindit arlallit pisiniarfitsinnut isertarput. Suliffeqarfinni misilittakkagut, ukiuni qulikkaani pissarsiarisimasagut tunngavigineqarput. Ilaasortagut, sullitagut, sulisugut nunarpullu ataatsimut isigalugit allannguinissarput kissaatigaarput. Tamatumani suliffeqarfipput siunissamut ungasissorsuarmut qulakkeerniarnerani inuk qitiutinneqassasoq isumaqarpugut.

Sulinitsinni peqataarusukkuit najukkanni BIS-imut qinersinermi qineqqusaarit, imaluunniit kingusinnerusukkut siulersuisunut qinersisoqalerpat taakkununnga qinigassanngortigit. Kalaallit Nunaanni nioqqutissanik niueruteqarnermi ukiorpassuarnut tulliuttunut aalajangeeqataasinnaavutit!

Suliffeqarfik ilaasortanik oqartussaaqataaffigineqartoq

Illoqarfinni arlalinni Brugsen-ini ilaasortat 1991-imi kattullutik peqatigiiffiliorsimapput – Kalaallit Nunaanni Brugseni.

Ilaasortaqarneq iluaqutigalugu massakkut pisiniarfiit kitaani 17-iupput Sisimiuniit Ilulissammut.

Brugsenimi ilaasortat suliffeqarfiup ineriartortinneranut sunniuteqaqataapput, suliffeqarfiuvugummi ilaasortanit pigineqartoq. Ilaasortat pigisaattut innuttanik qinikkat 40-iupput 8-illu sulisunit toqqagaallutik sinniisuullutik.

Ilaasortaarusukkuit, najukkanni Brugsen-imut saaffiginnissinnaavutit. Taamaalioreeruit, ilaasortaanermi iluaquterpassuaqarpoq, Kalaallit Nunaannilu Brugsenip ineriartornerani sunneeqataasinnaanngorlutit.

Brugsenip najukkami siulersuisuinut qinigassanngortinniaraanni ukua maleruagassat eqquutsissimasariaqarput:

  • Ilaasortaassaatit
  • 18-inik ukioqalereersimassaatit
  • Aaliangersimasumik najugaqassaatit
  • Pisortanut 100.000 kr. sinnerlugit akiitsoqannginnermut uppernarsaat nassassavat

Aqqusinersuaq 4, 2 th. P.O.Box 1092 3900 Nuuk
T: +299 36 35 00 
CVR 15787406

Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.

Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.

© Copyright 2021 · Kalaallit Nunaanni Brugseni 
Cookies og privatlivspolitik

Følg Brugseni