Menu
Menu
KNB Kalaallit Nunaanni Brugsenitut tunngavilerneqarpoq 1. Januar 1991-imi, Brugsenit Nanortalik, Qaqortoq, Paamiut, Nuummi, Maniitsumi, Sisimiullu ataatsimuuleramik peqatigiifferujussuanngorlutik. 1991 sioqqullugu najukkani peqatigiiffiit ataasiakkaarsimagaluarput pisiniarfinni ukunani: Nanortalik, Qaqortoq, Paamiut, Nuuk, Maniitsoq, Sisimiut, Aasiaat aamma Ilulissat. Taakku tamarmik piffinni innuttat namminneq aaqqissuussinerisigut pilersinneqarnikuupput.
April-imi 1963-imi peqatigiiffik siulleq pilersinneqarpoq Nanortalimmi Pilersaarusiornerit 1961-imili aallartinneqarput. 1964-imi KGH-p inini attartugami ammarneqarpoq. 1966-imi Nanortalimmi brugseni nammineerluni pisiniarfiutimini ammaaqqaarpoq. Siulittaasoq siulliuvoq ilinniartitsisoq Efraim Lyberth, pisinniarfiup pisortaaqaarporlu Adam Nielsen
Ukiut marluk piareersareernikkut Brugsen Maniitsoq pilersinneqarpoq april 1963-imi.
1964-imi FDB inini attartukkani ammarneqarpoq. Ukiualuit qaangiummata peqatigiiffiup FDB-ip inia pisiarivaa, nammineq aningaasaatiminik erhversstøttelån-ikkullu. Siulittaasoq siulleq tassaavoq Marie Heilmann.
Brugsen Nuuk peqatigiiffittut pilersinneqarpoq 1966-imi. 1969-imi Brugsen KGH-ip pisiniarfiutaanik attartorpoq. Kingusinnerusukkut nammineerluni pisiniarfittaarpoq. Kommune Nuussuarmi sanaartorluni aallartimmat Brugsen aamma Nuussuarmi pisiniarfimmik ammaavoq. Siulittaasoq siulliusimavoq Jørgen Chemnitz.
Brugsen Qaqortoq peqatigiiffittut 1967-imi aallartippoq, namminerlu pisiniarfiliorluni junimi 1970-imi ammarneqarluni. Taamanikkut Kalaallit Nunaanni pisiniarfik anginerpaajuvoq. Pisiniarfik amigartoorfiusumik ukiut marluk siulliit ingerlavoq, ukiulli pingajussaanni sinneqartoorujussuarluni. Siulittaasoq siulleq tassaasimavoq Akaaraq Samuel Olsen.
Brugsen Sisimiut peqatigiiffittut aallartippoq oktober 1967-imi, aningaasanik atorluni pequtaarniarfimmi pisilluni, 1970-imilu nerisassaarniarfik ammarneqarluni. Kingorna pisiniarfik allineqarpoq. Kingorna Qiviarfimmi Brugsen-iliorput. Siulittaasoq siulleq tassaasimavoq Peter J. Mathiassen.
Brugsen Aasiaat peqatigiiffittut ammarpoq maj 1967-imi. 1971-imi peqatigiiffiup pisiniarfini siulleq ammarpaa.
Peqatigiiffiup siulittaasua siulleq tassaasimavoq Ole Bådsgård Pedersen.
Brugsen Paamiut peqatigiiffittut oktober 1967-imi aallartinneqarpoq. KHG-p inaataanik attartorlutik februar 1973-imi ammaapput. Attartornerli sivikippoq, peqatigiiffik nammineq pisiniarfiutaa ammarneqarami augustimi 1973-imi. Peqatigiiffiup siulittaasua siulleq tassaasimavoq Jonathan Boassen.
Brugsen Ilulissat peqatigiiffittut 1974-imi pilersinneqarpoq, ukiualuillu qaangiummata nammineq pisiniarfia sananeqarpoq, sivisunngitsorli matusariaqarluni.
Illoqarfiit nunaqarfiillu arlallit pisiniarfeqanngikkaluarlutik peqatigiiffeqarsimapput, tassaallutik: Narsaq, Qeqertarsuaq, Qasigiannguit aamma Arsuk.
Brugsen Narsaq 1967-imili peqatigiiffittut aallartissimavoq, arlalinnilli peqquteqarluni peqatigiiffik 1997-imi peqatigiiffik aallarteqqippoq Kalaallit Nunaanni Brugseni-p pilersinneqareerneratigut, pisiniarfimmillu 1998-imi ammaallutik.
Brugsen-imi peqatigiiffeqarneq inuussutissarsiutinut allanut siaruaatipallappoq.
Pingaartumik nunaqarfinni peqatigiiffiit nioqqutissiortut, elværkinillu peqatigiiffiliornerit piginneqatigiilluni aallartisarneqarlutik. 1972-imi taakku ataatsimuulerput ateqalerlutik KAPIKAT (Piginneqatigiilluni peqatigiiffiit Kattunnerit Kalaallit Nunaanni)
Kingusinnerusukkut peqatigiiffiit kattunnikut Kalaallit Nunaanni Brugseni-nngorput aamma NIPIKAT (nioqqutissiortut ataatsimuulernikut)
Taamanikkut politikikkut inissisimanerit peqqutaallutik peqatigiiffiit taakku atorunnaartariaqalersimapput, Kalaallit Nunaanni Brugsen-ili ingerlaannarsimavoq.
1980-ikkut naalernerani aningaasatigut inissisimaneq peqqutaalluni Brugsen-it arlallit aningaasatigut ajornartorsiulerput. Kingunerivaalu Aasianni Ilulissanilu Brugsen-it matuneri.
Sisimiuni aamma Maniitsumi Brugsenit mikinerit matuneqarlutik. Brugsen Nuussuarmi (Nuuk) KNI-mut tunineqarpoq. Inernerivaalu Brugsen-it peqatigiifferujussuartut ataatsimuulernerat, Kalaallit Nunaanni Brugseni.
Kalaallit Nunaanni Brugseni-p siunertarivaa pisiniarfimmik ingerlatsissalluni ilaasortat sapinngisamik nioqqutissat pitsaanersat akikinnerpaanngorlugit tuniniaavigissallugit. Aammalu suliassanik allanik tigusisinnaaneq, aningaasatigut sullitanut iluaqutaasinnaasunillu.
Kalaallit Nunaanni Brugseni kalaallinit 100 %-imik pigineqarpoq. Siulittaasuunerit akisussaaffik qaffasinnerpaaq tigummivaat, Kalaallit Nunaanni Brugseni-imillu aqutsisuulluni. Najukkani Brugsenit siulersuisoqarput, taakkulu najukkani Brugsen-it ingerlanneri akisussaaffigivaat.
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2023 · Kalaallit Nunaanni Brugseni
Cookies og privatlivspolitik – Whistleblowerordning