Kalaallit Nunaanni Brugseni ataatsimeersuartitseqqammerpoq, tulluusimaarutigalugulu nalunaarutigisinnaavarput siulersuisut 100%-imik kalaallinik ilaasortaliusut arnanillu amerlanerussuteqarfiusoq.

Qaqortumi ataatsimeersuartitsisoqarpoq sap. ak. naanerani maajip 26-ani 27-anilu.

– Nukittuunik siulersuisuunertaarluta pisussanut piareersimavugut, pisortaq Susanne Christensen oqarpoq. Ukioq 2018 allannguiffiungaatsiassaaq. Suliarpassuaqarpugut, ilaatigut ilaasortanut pilersaaruterput nutaaq Divi Plussi Brugseni app-ilu ulluni makkunani saqqummiunneqartut.

Siulersuisuunerit nutaat kalaallinik nukittuunik arlalinnik arnartaqarput, tamarmillu misilittagaqarluarnermikkut arlalitsigut nutaanik tunniussaqarluarsinnaapput. Siulersuisuunerni ilaasortat tamarmik ukiut ingerlanerini Kalaallit Nunaanni Brugsenimut ilaasortaajuaannarsimapput, najukkaminni pisunik ilisimaarinnipput, tamarmillu suliffeqarfimmik Nunatsinni ineriartortitsinissamik pingaartitsipput

– Tulluusimaarutigeqaarput siulersuisut 100%-imik kalaallinik ilaasortaliunerat nalunaarutigisinnaagatsigu. Suliffeqarfipput kalaallinit 100%-imik pigineqarpoq, tamannalu siulersuisuni aamma takuneqarsinnaasariaqarpoq, pisortaq Susanne Christensen oqarpoq. Siulersuisuunerni ilaasortat tamarmik illoqarfinnit Brugsenip pisiniarfiuteqarfigisaaneersuupput.

Siulersuisuunerit siulittaasuat Ib Lennert Olsen qinigaaqqittoq

Ib Lennert Olsen Kalaallit Nunaanni Brugsenimi suli ukiuni marlunni siulittaasuusussatut akerliliiffigineqanngitsumik qinigaaqqippoq. Ib ukiuni kingullerni Brugseni pillugu iliuuseqangaatsiarsimavoq, siulersuisuunernittullu allat peqatigalugit nutaamik matuminnga anguniagaqarpoq: ”Piginneqatigiilluta ineriartortisisa, sapinngilagut”.

Siulersuisuunernut nutaanut ilaasortaapput:

Siulittaasoq: Ib Lennert Olsen, Nanortalik

Siulittaasup tullia: Karla Egede Bisgaard, Narsaq

Siulittaasup tulliata aappaat: Aalipaaraq Kreutzmann, Maniitsoq

Ilaasortaq: Petrine Thomsen, Qaqortoq

Ilaasortaq: Najaaraq Petersen, Paamiut

Ilaasortaq: Svend Åge Olsen, Sisimiut

Ilaasortaq: Sofia Rossen, Nuuk

Sulisunut sinniisoq: Arnannguaq Larsen, Qaqortoq

Attavissaq:

Pisortaq Susanne Christensen
+299 36 35 09
Susanne.Christensen@knb.gl

Assip allagartaa:

Assimi matumani takuneqarsinnaapput siulersuisunut ilaasortat Qaqortumi Brugsenip saavani.