Menu
Menu
Ukioq 2022 Kalaallit Nunaanni Brugsenimut sutigut arlalitsigut misigissutsinik assigiinngitsunik atuiffiuvoq. Kalaallit ulluinnarni nioqqutissaarniarfiata ukioq naavaa naatsorsuutitigut DKK -3,308-inik amigartoorluni, ukiup siulianut sanilliullugu naatsorsuutaasimanngitsumik kinguariarnerulluni. Taamaattorli ulluinnarni nioqqutissaarniarfiup misigivaa kaaviiaartitatigut kusanartumik 7 %-imik siuariarneq ukiup siulianut sanilliullugu aamma kaaviiaartitamini DKK 1,036 angugamigit rekordiliilluni.
Angusanut pingaarnertut uku patsisaapput:
– Siuariarneq, 2022-imi arlalitsigut ilungersunartorfiusumi misigisarput, assut tulluusimaarutigaara. Nunarsuarmi niuffannermi nalorninartorfiusumi Ukrainemi sorsunneq pissutaaqataalluni, aningaasat naleerukkiartorneri sukkasuumillu nioqqutissanut amerlasuunut akit qaffakkiartorneri annertuumik unammillernarsimapput, taamaattorli aalajangersimavugut nioqqutissanik pisiniarfigisartakkatta akinik qaffaasarnerat tamatigut pisiniartutsinnut qaffaanermik kinguneqartittuassanagu. Taassuma sanitigut IT-kkut atortorissaarutitigut nutaanngitsuniit nutaanut nuunniarneq ingerlapparput, taakkulu aatsaat suleriaatsitsinnik atorluanerulerutta naleqarnerat malugisimalerumaarparput, Pisortaaneq Susanne Christensen oqaluttuarpoq.
– Taamaattorli 7 %-imik siuariaateqarsimanerput tulluusimaarutigaara, tassuma takutimmagu eqqortumik iliorsimalluta pisiniarfimmik Nuukullammi Nuummiittumi pilersitsinitsinermut, sulisut inissaannik allanillu pisinianut sulisunullu ajunngitsumik tuttussanik aningaasaliigatta, Pisortaaneq Susanne Christensen nangippoq.
Brugseni pisinianit aamma sulisunit nersorneqarpoq
Ukiumi Brugsenimut naatsorsuutit inernerat naammagisimaarnanngikkaluartoq, siuariarnerup saniatigut allanik saqqummiukkusutaqarpugut.
Suliffeqarfiit isigineqarnerannik misissuinermi ukiut pingajussaanik Nr. 1-nngorneq.
IFO-p suliffeqarfiit anginerit Nunatsinniittut inunnit isigineqarnerat januarimi februarimilu misissuiffigaat. Misissuineq oqarasuaatikku ingerlanneqarpoq nunatsinni innuttanik siamasilluartunik apersuinikkut, tamannalu 2010-miilli ukioq allortarlugu pisarpoq. Ukioq manna aammaarluta misissuinermi siuuttuuvugut, taamaassimallutalu misissuinerit kingullerni marlunni.
– Misissuinermi siuuttunngoqqinnerput tulluusimaarutigaarput. Taassuma takutippaa pisiniartartutta digitaliseeriinerput maanna ingerlarsortoq tigulluarsimagaat, tassani ussassaarutit naqitittakkavut atorunnaarlugit piujuartitsineq tunaartaralugu digitalikkut ussassaarutit ingerlattaleratsigit. Misissuinerup aamma takutippaa Brugseni app-ip iluarisimaarneqarnera aammalu Divi Plussi aqqutigalugu ilaasortat ajunngitsorsiassaasut pilersittakkavut, pisortaaneq Susanne Christensen oqarpoq.
Sisamassaaneerluta suliffeqarfitsialuttut allagartalertinneq.
2023-imi Brugseni Great Place to Work-tut allagartalerneqaqqippoq. Februarimi ulluinnnarni nioqqutissaarniarfik misissuisitseqqippoq Great Place to Work-ip iluarineqartumik atuutsitai, nunarsuatsinni nunani assigiinngitsuni atugaasut tunuliaqutaralugit. Misissuinerup aallaavigai qitiusumik naleqartitat tallimat, eqqortuliorneq, ataqqinninneq, tutsuviginassuseq, tulluusimaarneq aamma ataatsimoorneq, apeqquterpaaluit aallaavigalugit taakku sulisunit suliffinniit assigiinngitsunit Brugsenip suliffeqarfiutaannit nalilersorneqarput.
– Maanna sisamassaanik Brugseni Great Place to Work-imik allagartalerneqarpoq, tassanilu ersarippoq periusissiamit ingerlatavut sulisut iluarisimaarinninnerannut kinguneqarluarsimasut. Taakku tulluusimaarutigineranni aamma misissuinerup takutippaa sutigut suliaqarnerusariaqartugut, tassani piginnaasanik ineriartortitsineq qitiulluni inissisimavoq. Sulisut ataatsimoornerulernissaat inerisarniarparput sulisut ataasiakkaat periarfissaqarnerulersinneqarnisaat akisussaaffigalugu, pisortaaneq Susanne Christensen oqarpoq.
Suliffeqarfiit pitsaanerpaat 25-it akornaniilerneq
Ulloq 27. April 2023 Danmarkimi Kalaallillu Nunaanni suliffeqarfiit pitsaanerpaat toqqarneqarput, tassanilu Brugseni nr. 21-tut suliffeqqarfiit akunnattumik angissusillinni toqqagaasimasuni 25-ini toqqagaasimalluni. Taamaalilluni siullerpaamik Kalaallit Nunaanni suliffeqarfik, suliffeqarfiit Great Place to Work-imik allagartalerneqarsimasut akornanni pitsaanerpaanut ilaatinneqarpoq.
2023-imi naatsorsuutigisat
– 2023 aallartilluarparput 2022-imi unammillernartunut pimoorussamik anguniagaqarluta. Aningaasaliisussaavugut pissanganartunut niivernitsinnik periarfissiisussanik aammalu nunatsinni suliffissanik pilersitsisussanik. 2023-imilu naatsorsuutigaarput digitalikkut aaqqiissutissavut nutaaliaasut atorluarlugit qulakkeerniassallugit suli siumut ingerlariaqqinnissarput siunissamilu siuariarnissamut periarfissagut, pisortaaneq Susanne Christensen oqarpoq.
– Ilanngullugu qutsavigiumavakka pisiniartartuvut aalajaatsut ullut tamaasa pisiniarfigut sumikkaluartut pisiniarfigisarmatigit. Sulisugullu pikkorissut piffissami unammillernartoqangaartumi sulilluarujussuarsimanerannik. Tamarmik sungiussisinnaasuusimanngippata, utaqqisinnaassuseqarsimanngippata sulerusussaseqarluarsimanngippata ajornavissagaluarpoq angusassatsinnik angusinissarput, oqarpoq pisortaaneq Susanne Christensen.
Brugseni pimoorussanik pilersaaruteqarpoq pisiniarfinni assigiinngitsuni alliliinissaminik nutarsaanissaminillu, tamakkulu pillugit kingusinnerusukkut tusarliiumaarpugut.
Paasissutissat allat
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2023 · Kalaallit Nunaanni Brugseni
Cookies og privatlivspolitik – Whistleblowerordning
