Menu
Menu
Brugseni ajunngilluinnartumik naatsorsuusioqqippoq
Kalaallit Nunaanni Brugseni ukiumi naatsorsuusiorfimmi 2017-imi inernerit ajunngilluinnarput. 2017-imi kaaviiaartitat 783 mio. kr.-inut anngupput, qaffariarnerulluarporlu ukiumi siuliani qaffariarnermut 39 mio. kr.-it missaanniittunut naleqqiullugit.
Direktør Susanne Christensen inernerit ima allaatigaat: ”Brugseni-mi tulluusimaarutigaarput aatsaat taama pitsaatigisunik naatsorsuusioqqikkatta. Ilaasortarpassuavut sullitarpassuavullu aalajaatsut qujamasuutigeqaavut! Aammattaaq sulisuvut pikkorissut ukiup ingerlanerani ulapinnerungaatsiarsimasut tulluusimaarutigeqaakka. Brugsenip siumut angusaqarnerunissaa sulilu pitsaanerusunik angusaqarnissaa ilungersorluta sulissutigiuassavarput. Aamma ilaasortavut 2018-imi akillugit tunniussaqarfigisinnaajumallugit sapinngisarput tamaat iliuuseqassaagut.”
Anguniakkat suliassallu immikkut ittut nutaat
Ukioq 2017 aamma ukiuuvoq Kalaallit Nunaanni Brugsenip siulersuisuunerisa suliffeqarfimmut nutaanik anguniagassiillunilu immikkut suliakkiiffia. Anguniagaq nutaaq imaappoq: ”Nutaanik periaaseqalernissamut sapiissuseqarpugut Nunatsinnik ineriartortitsisinnaaqqulluta”.
Siulersuisuunerit siulittaasuat Ib Lennert Olsen nutaanik anguniagaqarnissap pisariaqartinneqarnera ima oqaluttuaraa: ”Suliffeqarfittut misigivugut pingaaruteqartoq tamatta Nunatsinni ineriartornermik paasisimannilluarnissaq. Siunissami nutaanik periaaseqarnissamut ilaasortatsinnullu periarfissanik nutaanik pilersitsinissamut mersernartoqartinngilluinnarparput.”
Siunissami periaatsit nutaat
2017-imi ajunngilluinnartunik angusaqarsimalluta isumalluarluta 2018-imut iserpugut. Brugseni arlalinnik suliniutissaqassamaarpoq qanittukkut tamanut saqqummiunneqartussanik.
Ilulissani sanaartuleruttorput, taavanilu pisiniarfissuarmik nutaamik kusanartumillu ammaanissarput qilanaaraarput. Suliniutit tamatumatut annertutigisut naammassiumallugit suliassarpassuaqartarpoq naammassineqaqqaartariaqartunik.
Ukioq qaangiuttoq
Ukiumoortumik naatsorsuutit tusarluarnartut Ilulissanilu pisiniarfittaassap saniatigut Brugsenip Nunatsinni innuttaaqatigiinnut arlalinnut taperseeqataasinnaanini tulluusimaarutigaa.
2017-imi Kalaallit Nunaanni iggarinnerpaartaat ilaat, Inunnguaq Hegelund, atuarfiillu illoqarfinni pisiniarfiuteqarfitsinniittut suleqatigilluarpavut. Inunnguaq Hegelund angalasimavoq inuusuttut nerisassiornermut tunngasunik assigiinngitsunik sammisassaqartitsilluni Nunatta pissarititaanik atuinissamut periarfissanik paasititsiniaalluni soqutiginninnerulersitsiniaallunilu.
Tamatuma saniatigut Toku Oshima Qaanaameersoq 2017-imi ukiumoortumik nersornaatisitipparput 100.000 kr.-inik nalilimmik. Toku meeqqat inuusuttullu Qaanaamiittut pillugit assorsuaq iliuuseqarpoq. Nersornaatisiap aningaasartai meeqqat asimi aasarsioriarnerannut atorneqarput.
Ukiumut nalunaarut 2017
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2023 · Kalaallit Nunaanni Brugseni
Cookies og privatlivspolitik – Whistleblowerordning