KIMIK Nunatsinni Eqqumiitsuliortut Peqatigiiffigaat najukkanilu suliniuterpassuaqarnikkut nutaaliorsinnaanermik siuarsaaqataallutik. Brugsenip Panduro-llu Kimik suleqatigilerpaat peqatigiiffik tapersersorniarlugu unammisitsinikkut, tunisat tamarmik KIMIK-up suliaanut tapiissutaassallutik.

Inuiattut Ullorsiornissarput tikillugu Panduro-mi Nuummiittumi makitassanik pisisoqarsinnaavoq qalipakkanik KIMIK-mit tunniunneqartunik kusanarluinnartunik eqquiniaqataajumalluni.

Eqquiniaasitsinermut siunertaavoq makitassanut akiliutigineqartut tamakkerlugit KIMIK-mut tunniunneqarnissaat. Aningaasat taakku Nunatsinni eqqumiitsuliortut atugaannik ineriartortitsinissamut atorneqarumaarput.

Nuummi Panduro-liarit eqqumiitsuliortunillu Nuummiittunik tapersersuillutit eqquiniaasitsinermi makitassanik pisinikkut.

Qalipakkat tamarmik immikkut normoqarput, makitassamillu qalipakkamik nuannarinerpaasamik normutalimmik pisisoqarsinnaavoq. Qalipakkamut aalajangersimasumut makitassamik pisisimasut makitsiffigineqarumaarput. Makitsisoqareerpat suli qalipagaqassappat taakku ataatsimoortinneqassapput, qalipakkanillu sinneruttunik eqquisussanik makitsisoqarumaarpoq.

Makitassaq ataaseq 30 kr.-ilerlugu pisiariuk, imaluunniit sisamat 100 kr.-ilerlugit.

Eqquisut Inuiattut Ullorsiornitta aqaguani makitaajumaarput Facebookimilu nalunaarutigineqassallutik.

Brugsenimit nuannaarutigaarput maani eqqumiitsuliortunik ikiueqataasinnaagatta!