2018-imi septembarip 18-ianni Kalaallit Nunaanni Brugseni Ilulissani innuttaasunik ataatsimiigiaqqusissaaq. Tamanna pissaaq kulturip illorsuata inersuaani. Innuttaasunik ataatsimiisitsinermut siunertaassaaq Brugsenip pisiniarfittaavanik illoqarfimmilu peqatigiiffimmi suliassanik oqaluttuarinninnissaq, aammattaaq siulersuisuunerit qullersaqarfimmilu pisiniartartussanik ilaasortassanilu naapitserusupput. 

”Assut pingaartipparput Ilulissani innuttaasunik, pisiniartartussanik ilaasortassanillu naapitsinissarput. Qanilliuminarusuppugut nuannersumik aaqqissuussilluta tamatumalu saniatigut suliffeqarfipput, periarfissallu nutaat peqatigiiffilerinermilu suliassarpassuit pisiniarfimmik ingerlatsinermut tunuliaqutaasartut, oqaluttuarerusuppavut. Illoqarfimmi siulersuisussanik Ilulissani Brugseni illoqarfiup pisariaqartitaanik pisiniarfimmik ineriartortitseqataasinnaasunik toqqaassaagut,” pisortaq Susanne Christensen oqarpoq.

Unnuk nuannersuussaaq qiimmisaarfiussallunilu, aamma tunissutissaqassaaq kaffeqassallunilu. Inersuarmi saaffiginnittarfeqassaaq innuttaasut siulersuisuunernik qullersaqarfimillu naapitsivissaannik, tassanilu Brugsenip suliarpassui suliniutaalu pillugit paasissutissinneqarsinnaassapput. Brugsenimik pisiniarfeqarnerup Ilulissanut qanoq sunniuteqarsinnaaneranik soqutiginnissinnaasut tamaasa kajumissaarpavut alakkaaqqullugit.

Brugsenimit assut qilanaarineqarpoq illoqarfimmut inissisimalernissarput, neriuutigaarpullu pisiniartartussanut ilaasortanngortussanullu attaveqarlualerumaarluta. Suliffeqarfipput 100%-imik kalaallinit pigineqarpoq, pingaartipparpullu illoqarfinni pisiniarfiuteqarfitsinni innuttaasut siulersuisut suliaannut akuutinneqarnissaat, pisiniarfiit tamarmik immikkut illoqarfiup pisariaqartitaannik aaliangeeqataaniassammata.

Unnummut pisussanut pilersaarut:

Nal. 19:00-19:15: Tikilluaqqusineq siulersuisuunerillu oqalugiarnerat.

Nal. 19:15-21:00: Siulersuisuunerit naapikkit.

Unnuk qimasaarfiullunilu nuannisaarfiusussaq inuppassuarnillu naapitsinissaq qilanaaraarput!