Menu
Menu
Kalaallit Nunaanni Brugsenimi siulersuisut nutaat
Kalaallit Nunaanni Brugseni tamanut ammasumik siulersuisunik taasisitseqqammerpoq peqatigiiffik nutaanik malittarisassiaqalermat. Taamaalilluni niuertarfeqarfik 100%-imik kalaallinit pigineqartoq pingaartitanik ilaasortat sunniutaat aallaavigalugit aalajangiunneqartunik tunngaveqartitsiuarpoq.
Siulersuisunut ilaasortanngorlaat katillutik tallimaasut ukiuni tulliuttuni marlunni suliffeqarfimmut sammiviliinissamut maanna piareerput. Siulersuisunut ilaasortanngorlaat tallimat Brugsenip qinersiviini sisamani qinigaapput suliffeqarfiullu iluani sulisunut sinniisoq sulisunit qinigaalluni.
Siulersuisut ilaasortanit qinigaasut suliassaat siulleq tassaavoq siulersuisutut atorfiit kingulliit marluk inuuniutigalugu siulersuisutut ilaasortassanik assigiinngitsuni periusissiornermut tunngatillugu immikkut ilisimasatik atorlugit aalajangiinissamut tapiissuteqarsinnaasunik toqqaanissaq. Taamaalillutik siulersuisunut ilaasortat katillutik arfineq-marlunngussapput. Suliffeqarfiup peqatigiiffimmut periusissiaa nutaaq Brugsenip Kalaallit Nunaata niuertarfeqarnermi siunissaanik allanngueqataajuarnissaanut qulakkeerutaassaaq.
Siulersuisunut ilaasortat nutaat tallimat
2022-mi februaarip 26-at ulluuvoq Kalaallit Nunaanni Brugsenimut puiunaatsuusussaq immikkut ittumik ataatsimeersuartitsinermi aalajangiunneqarmat peqatigiiffimmut periusissiaq allannguivigineqangaatsiassasoq. Malittarisassiat nutaat ilaasortanik Kalaallit Nunaanniittunik qinersivinnut sisamanut – illoqarfinni niuernikkut qanoq aallussisoqartiginera naapertorlugu – agguataariffiusut akuerineqarput. Taamaalillutik ilaasortat tamarmik piginneqataasutut tusaaneqarnissamut periarfissaqassapput.
Brugsenimi siulersuisunut ilaasortat Brugsenimi ilaasortanit sulisunillu qinigaasut piffissami takkuttumi ukuussapput:
Aqqusaagassat nutaat siunissarlu soqutiginartoq
”Suliffeqarfittut allarluinnarnik aqqusaagassaqalerpugut. Nutaamik periusissiorsimalluta, peqatigiiffimmut nutaamik periusissiaqarluni siulersuisunullu nutaanik ilaasortaqarluta pissutsit piviusut Kalaallit Nunaanni ineriartornermut tulluarnerusut iserfigilerpavut. Suliffeqarfimmut tamarmut sammiviliisinnaasunik nutaanik sulilluarsinnaasunillu siulersuisoqarluta ulluinnarni unamminiarnartunik iliuuseqarfiginnissinnaanissarput periarfissanillu nutaarluinnarnik tikilluaqqusisinnaanissarput qilanaaraarput. Tamatuma saniatigut peqatigiiffimmut periusissiarput nutaaq illoqarfinni siunnersuisooqatigiit (BIS) aqqutigalugit illoqarfinni ataasiakkaani aallaaveqarnissamik pingaartitsinissatsinnik qulakkeerutaavoq. Aammattaaq maani siulersuisut suliamik immikkut arlalinnik ilisimasalinnik siunissaq ungasissoq eqqarsaatigalugu aalajangiilluarnissamut ikiuutaasinnaasunik ilaqassapput. Peqatigiiffimmut periusissiaq nutaaq atorlugu ilaasortanut illoqarfinnullu qanillinerussaagut tamatumalu saniatigut suliffeqarfimmut sukkasuumik ineriartorfiusumut periarfissanik pitsaanerpaanik pilersitsinissaq aallulluarneqassalluni,” pisortaq Susanne Christiansen oqaluttuarpoq.
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2023 · Kalaallit Nunaanni Brugseni
Cookies og privatlivspolitik – Whistleblowerordning