Kalaallit Nunaanni Brugsenimi siulersuisuunerit siulittaasuat, Ib Lennert Olsen, siulittaasutut tunuartariaqalersimavoq ilaqutariittut aalajangiussimagamikku Nunatsinni illoqarfimmut allamut nuunniarlutik. Tamatuma kinguneranik Brugsenimi siulersuisuunerni ukiorpassuarni sulilluarnini ajoraluartumik unitsittariaqarpaa.

Siulittaasup tullia Karla Egede Bisgaard Narsameersoq siulersuisuunerni siulittaasuugallalerpoq, siulittaasumut tullersortip tullia Aalipaaraq Kreutzmann Maniitsumeersoq siulittaasumut tullersortaagallarpoq immikkut ittumik ataatsimeersuartitsinermi siulersuisuunernut siulittaasussamik siulittaasumullu tullersortaasussanik qinersisoqarnissaa tikillugu.

Ib 2009-mili Nanortalimmi Brugsenimi siulersuisunut ilaasortaasimavoq, siulersuisuunernullu siulittaasussatut 2012-imi qinigaaqqaarpoq. Ukiuni kingullerni siulittaasumut tullersortitut siulittaasutullu suliat suliffeqarfitsinnik ilusileeqataasut ilarpassuinik suliaqaqataasimavoq.

”Ib inuttut sunniuteqarluarlunilu piginnaaneqarluartuuvoq suliffeqarfitsinnillu kivitseqataangaatsiarsimalluni. Ibip suliassat akisussaaffiillu pimooruttuartarpai siulersuisinnaassuseqarluarlunilu suleqatini illoqarfinni siulersuisuniittut siulersuisuunerniittullu pimoorusseqataalluarnissaannut sunnersimallugit. Ibip Brugseni pillugu iliuuserisimasai tamaasa pillugit nuannaarutigeqaavut, neriuppugullu illoqarfimmi najuligassamini 2020-mi qinerseqqittoqalerpat qinigassanngorteqqikkumaartoq,” pisortaq Susanne Christensen oqarpoq.

Siulersuisuunerni siulittaasutut Ib amerlasuutigut Brugsenimik avammut nittarsaassisuusimavoq tamatumalu saniatigut Nanortalimmi innuttaasunik aaqqissuussanik nuannersunik misigisaqartitseqataasarsimalluni.

”Pingaaruteqarpoq uagut suliffeqarfittut illoqarfimmi innuttaaqatigiinni ilaaffigisatsinni susoqartarneranik malinnaaviginnissinnaassuseqarnissarput. Illoqarfinni siulersuisut siulersuisuunerillu pingaaruteqarput illoqarfinni pisiniarfiuteqarfitsinni pitsaanerpaamik tunniussaqarsinnaaqqulluta. Ib ukiut ingerlanerini aalajaalluni sulilluarnera pillugu qutsavigerusuppara!” pisortaq Susanne Christensen nangippoq.

Ib Lennert Olsen Kalaallit Nunaani Brugsenimit qutsavigineqarpoq Nanortalimmi siulersuisuni siulersuisuunernilu siulittaasumut tullersortitut siulittaasutullu suliarpassui pillugit.