Menu
Menu
Kalaallit Nunaanni Brugseni MIO akissarsisitassatut toqqarpaat Nunatsinni meeqqat pisinnaatitaaffiinik paasititsiniaaniarlutik sulinerat pillugu, meeqqanillu pisariaqaraangat ikioqqunissamut sapiillisitsiniarlutik iliuuseqarnerat pingaaruteqarluinnartoq pillugu. Isumaqarpugut meerartatta iluamik pineqarnissaat inuiaqatigiinnut pingaaruteqartoq. Taamaattumik nuannaarutigalugulu tulluusimaarutigaarput siunertamut taama pitsaatigisumut aningaasanik tunissuteqarsinnaagatta.
MIO-p aningaasat suliniutinut meeqqanik inersimasunillu ulluinnarnik ilaatigut artornarsinnaasunik iliuuseqarfiginninnissamut iluaqutisseeqataasussanut atussavaat. Inuiaqatigiinni minnersatsinnik suli pingaartitsinerusoqalernissaa pillugu iliuuseqangaatsiassapput.
Nersornaat tallimanngornermi maajip 18-iani MIO-p allaffiini tunniunneqarpoq. Brugsenimi siulersuisuunerit siulittaasuata, Ib Lennert Olsenip, nersornaat MIO-mut tulluusimaarluni tunniuppaa, pisorlu nuannisaarfiuvoq.
MIO-miittut nuannaarutigeqaat tapersersorneqarnertik suliniutinillu nutaanik aallartitsinissartik qilanaaralugu. Erseqqissaapput avataanit tapersersorneqarnertik qanoq iluaqutigitigalugu. Suleqatigiit ikittunnguupput, iliuuseqarsinnaasorujussuuppulli.
– Attortinnarpoq MIO-mi siulittaasup meerarpassuit ajornartorsiutitik pillugit toqqissisimanartumik ornigassaqannginnerat oqaluttuarimmagu. Meeqqat amerlavallaat ulluinnarminni toqqissisimanatillu aalajakkaasunik atugaqanngillat aamma inuttut ingerlalluarnissaminnut ikiorneqartariaqarput. MIO meeqqanut sinniisuuvoq ikiortarialinnullu tusarnaartarluni, suliniullu taama ittoq Kalaallit Nunaanni Brugseni-meersugut tapersersorusupparput, direktøri Susanne Christensen taama oqarpoq.
– MIO-p siunissami suliassaannik malinnaaviginninnissarput Nunatsinnilu meeqqat inuusuttullu pillugit suliniarnerannik tapersersuinissarput qilanaaraarput. Tamatuma saniatigut qutsavigerusuppavut piukkunnartorujussuarnik ukioq manna nersornaasiinissamut qinnuteqarsimasorpassuit. Qujanartumik inuiaqatigiinni inuit immikkut iliuuseqartut amerlapput, siulersuisuunerit siulittaasuat Ib Lennert Olsen taama oqarpoq.
Ukioq manna nersornaasiutigineqartoq siunertamut pingaarutilimmut tunniunneqarpoq, anguniagarlu oqaluuserineqarnerusariaqarpoq. Kalaallit Nunaanni Brugsenip MIO siunissami suliniutissaminni iluatsilluarnissaanik kissaappaa neriuutigalugulu tunissutivut iliuuseqarnerminni aallartissutigilluarumaaraat.
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2023 · Kalaallit Nunaanni Brugseni
Cookies og privatlivspolitik – Whistleblowerordning