Brugseni avatangiisinut ajoqutaanngitsunik puussiaateqalerpoq

Kalaallit Nunaanni niuertarfiit siullersaattut Kalaallit Nunaanni Brugsenip puussiat plastikkit qangalili atortakkavut avatangiisinut ajoqutaanngitsunik atoqqinneqarsinnaasunillu taarserpai.

Brugsenip avatangiisinik illersuiniarnermi suliniutigisaa kingulleq tassaavoq nutaanik puussiaqalernissaq polyethylenimit naasuneersunit, pingaartumik ivigarsuarnit sukkuliassanit, sanaajusunik puussianit nalinginnaasunit uuliamit, nunap iluaneersunik, sanaajusunit allaanerusunik.

Puussiat 85%-imik naasuneersunit ivigarsuarnit sukkuliassanit avatangiisini CO2-mik aniatitsiffiunngitsuni sanaajupput.

– Brugsenip avatangiisinut ajoqutaanngitsumik atuinerusoqalernissaa sulissutigiutigalugu pisisartutsinnut atorluarsinnaasunik aaqqiissuteqartarusuppugut, taamaattumik pingaartipparput puussiaq nutaaq avatangiisitsinnut minguititsinera annikinnerunissaa. Pisisartuvut puussianik avatangiisinut ajoqutaannginnerusunik piumasimapput, taamaattumillu nuannaarutigaarput puussiat taama ittut siullersaalluta neqeroorutigisinnaagatsigit, pilerisaarinermut attaveqatigiinnermullu pisortaq Benny Reffeldt Otte taama oqarpoq.

Puussiaq nutaaq avatangiisinut ajoqutaanngitsoq Kalaallit Nunaanni Brugsenip pisiniarfiini tamani pingaarnertut puussiaatigineqartalissaaq.

Avatangiisinut ajoqutaannginnerugaluarluni akia taamaaginnassaaq

Brugsenimi puussiaq nutaaq DIN CERTCO-mit aamma Vincotte-mit akuerisaavoq 100%-imillu atoqqinneqarsinnaalluni. Tamanna ilutigalugu immikkut iliuuseqartoqarsimavoq puussiat avatangiisini isugutasuni nillertunilu tulluartunut tunisassiariniarlugit. Puussialli akii allanngunngillat.

– Puussiaq ullumikkut niuertarfitsinni atorneqarnerpaanngortussaq avatangiisinullu ajoqutaannginnerpaasorlu aalajangerpugut puussiap ataatsip akia allanngortinniarnagu. Puussiaq avatangiisinut ajoqutaannginnerugaluartoq innersuutigissavarput puussiat sapinngisamik arlaleriarluni atoqqittarnissaat, imaluunniit puussianik atajuarsinnaanerusunik neqeroorutigisinnaasatsinnik pisinissat, Benny Reffeldt Otte nangippoq.

Puussiaq ilisariuminarpoq illuatungaa qorsuummat sannaa pillugu paasissutissartalik.

Aqqusinersuaq 4, 2 th. P.O.Box 1092 3900 Nuuk
M: info@knb.gl T: +299 36 35 00 
CVR 15787406

Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.

Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.

© Copyright 2021 · Kalaallit Nunaanni Brugseni 
Cookies og privatlivspolitik

Følg Brugseni