Menu
Menu
Kalaallit Nunaanni Brugsenimi aaqqissuussaanermi allannguinerit.
Novemberi 2023-imi aalajangerneqarpoq Brugsenimi pisortaqatigiit allannguuteqarfiussasut. Soraarpoq ukiorpassuarni pingaarutilimmik inissisimasoq, Jes Nyborg, taamatullu pisortaqatigiinnut tikilluaqquneqarluni John Thorsen.
– Allannguutit pilersippagut periusissiarput, inuk qitiutillugu, tangeqartinneqarnerulluni naleqartitsivigineruniarlugu, ilutigalugulu tuniniaanermi immikkoortortap aaqqissuussaanermigut periutsimigullu akunnaallisarnissaa. HR-imi immikkoortortaq suliffeqarfiup pilersaarusiuunnerani inissaqartinneqarnerulissaaq, taamaalu aamma tuniniaanermik immikkoortortaqarfik qitiunerulersinneqassalluni ataasiinnarmik pisortaqalerluni, oqarpoq direktøri Susanne Christensen.
Jes Nyborg-ip inuulluaqquneqarnera
Brugsenip inuulluaqqoqqammerpaa Jes Nyborg ukiorpaalunni qitiusumik inissisimasimasoq. Jes Nyborg aallaqqaammut 2010-mi Brugseni Nuuk-mi uddeleritut atorfinitsinneqarpoq, kingusinnerusukkullu qitiusumik qullersaqarfimmi pisortaqatigiinnut ilaalerluni, tassani akisussaaffigisimallugit pisiniarfiit avannarliit, aningaasaqarnermik immikkoortortaqarfik kiisalu direktørip tullersortaatut inissisimaneq.
– Annertuumik naleqartippara Jes-ip ukiuni qaangiuttuni sammisamik pimoorussilluni Brugsenip ukiuni nutaanerusuni immikkut ittumik ineriartorluni ingerlasimaneranik. Aningaasaliilluni pisiniarfinnik pilersitsinissamut Ilulissani Nuummilu aalajangernermut annertuumik akisussaaqataasimavoq, qujassuteqarfigaaralu ukiut ingerlanerini suliaanut annertuunut. Jes-ip suliaminut pikkorilluinnartuunini pisassaqarfimmilu iluani suliumatussutsini maqaasineqaatigissavai, oqarpoq direktøri Susanne Christensen.
– Jes-ip tunuartinnissaa aalajangiuppara aaqqissuussaanitta iluani nutartikkamik aqutsinermi naleqartitanik, sulisullu qitiusumik inissisimasut pigiinnarsinnaanerinik ukkatarinninnissatsinnik ingerlatsiniarnitsinni. Taamaattumik aalajangiuppara HR-itta nukittorsarnissaa, tuniniaanermilu immikkoortortap ataasiinnarmik pisortaqalernissaa, taassumalu suliassarilissagaa immikkoortortamini nutaami pisarialimmik piginnaasanik ineriartortitsineq, pisiniarfinnut, ilaasortanut pisinianullu ajunngitsumik kinguneqartussanngorlugit, oqarpoq direktøri Susanne Christensen.
Tuniniaanermi immikkoortortami nutaami pisortatut akisussaasunngussaaq Kent Helberg, taanna sinerissami pisiniarfinni uddelerit tamarmik pisortarilissavaat. Tassunga ilanngullugu tuniniaanermi immikkoortortaq allanik atorfinitsitsissaaq ingerlatsinermik ineriartortitsinermillu piginnaanilinnik.
John Thorsen tikilluaqquarput
Brugsenip aamma tikilluaqquaa HR-imi pisortaq nutaaq John Thorsen. Taanna juni 2021-imili immikkoortortami HR og Kommunikation-imi aqutsisuuvoq, maannalu HR-imut akisussaasunngorluni.
Nuannaarutigeqaara Johnip HR-imi pisortatut akisussaaffik tigujumammagu. Ullumikkut HRqarnikkut nukittuumik inissisimavugut sulisut pikkorillutillu piginnaanillit sulisoralugit, Johnillu suliassarissavaa immikkoortortap ilippanaaneqarnera siunissami atorluassallugu, taamaalilluta pikkorinerulerluta sulisunik qaammaasinnaanissatsinnut, sulisuttalu naleqangaartut ineriartortissinnaanissaannut pigiinnarsinnaanissaanullu. Taamaammat pingaarutilerujussuuvoq periusissiatta ilaani ataavartumik ineriartortuaannarsinnaanissarput, pikkorinnerulerlutalu sulisutta pisariaqartitaat inissaqartinnerulernissaannut, oqarpoq direktøri Susanne Christensen.
John Thorsen maanna aallartereerpoq atorfimmini nutaami, immikkoortortarlu piffissami aggersumi ineriartortitsinermi piginnaasalinnik suli ilasussaalluni. Anguniagaavoq siunissami sulinermi periutsinik assigiiaartunik aqutsisunit sulisunillu malinneqartussanik sulifeqarfitsinni pilersitsiortornissaq, taamaalilluta suli ulluinnarni nioqqutaarniarfitsinni naleqarnerulersitsinissaq inuk qitiutillugu pilersissallugu.
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2023 · Kalaallit Nunaanni Brugseni
Cookies og privatlivspolitik – Whistleblowerordning