Menu
Menu
Brugseni allat iluaqutissaannik suliniuteqaqataagit
Kalaallit Nunaanni Brugseni kalaallinit 100%-imik pigineqarpoq, Brugsenimullu ilaasortatut toqqaannartumik sunniuteqarnissannut periarfissaqarputit suliffeqarfiup siulersuisuinut ilaasortanngornissamut qinigassanngortinnikkut.
Kalaallit Nunaanni Brugseni (KNB) piffissami 1.-15. apriili 2024 siulersuisunut ilaasortassanik qinersisoqassaaq. Nuummi, Qaqortumi Maniitsumilu ilaasortaasut kajumissaarneqarput marsip 15-iat 2024 nallertinnagu suliffeqarfiup nittartagaani qinigassanngortinnertik nalunaarutigeqqullugu. – Kalaallit Nunaanni peqatigiiffiit ilaasortanit pigineqartut annersaattut illoqarfinni innuttaaqatigiinnut akuuffigisatsinnut iluaqutaavissornissamut immikkut ittumik periarfissaqarpugut. Peqatigiiffitta oqartussaaqataanermik aallaaveqartup qulakkiissavaa suliffeqarfiup siulersuisuinut ilaasortaatitaanit qinigaasunit nunatsinniittunit aqunneqarnissaa, qinigaasullu suliffeqarfiup qullersaqarfianiittut peqatigalugit nunatsinni niuertarfeqarfiit ineriartornissaanut pilersaarusiorsinnaapput, siulersuisuni siulittaasoq Avijâja Rosing-Olsen oqaluttuarpoq.
Kalaallit Nunaanni qinersivinni marlunni qinersineq
Ukioq manna Nuummi aamma Qaqortumi Maniitsumilu ilaasortaasut siulersuisunut ilaasortassatut qinigassanngortissinnaapput. Tassami KNB-mi ilaasortat illoqarfinnut qinersivinnut sisamanut agguarneqarsimapput, qinersiviillu tamarmik immikkut qinigaasimasumik siulersuisunut ilaasortaatitaqarput. Siulersuisunut ilaasortat tamarmik ukiuni marlunni siulersuisuniittarput, taamaattumillu qinersivinni marlunni ukiut tamaasa qinersisitsisoqartarpoq. Qinersiviit ima agguataarneqarput:
Ukioq manna qinersiviit 2 aamma 4 qinersiviupput.
Siulersuisuni suliniuteqaqataalerit
KNB-p siulersuisuinut ilaasortaaneq allanut iluaqutaasumik sulinissamut Brugsenillu ineriartorneranut sunniuteqarnissamut immikkut ittumik periarfissaavoq. Siulersuisut pingaarnertut suliassaraat siuariartornissamut ineriartornissamullu periarfissaqarluarnissaanik qulakkeerinissaq, Brugseni patajaanniassammat unammillersinnaassuseqartuarniassammallu.
Siulersuisut sapiillutik aalajangiilluartarnissaat pisariaqartinneqarpoq KNB soqutiginartumik toraagaqarmat. Kalaallit Nunaanni niuertarfeqarfinni kisiartaalluni namminersorfiusumi ilaasortanillu 100%-imik pigineqartumi siulersuisunut ilaasortanngortut pingaaruteqarluinnartumik inissisimalissapput.
Brugseni app-ikkut qinersineq
KNB-mi maanna siulersuisuusut aalajangiussisimapput 2024-mi siulersuisunut ilaasortassanik qinersineq atortut digitaliusut kisiisa atorlugit ingerlanneqassasoq, ilaasortassatut qinigassanngortinnissamik nalunaaruteqarnermut qinersinermullu atatillugu.
Qinersivinni taakkunani marlunni qinigassanngortittut nittartakkakkut www.brugseni.gl-ikkut qinigassanngortinnertik nalunaarutigissavaat kingusinnerpaamik marsip 15-ianni 2024, tamatumalu kingorna nassiunneqartut katersorneqassapput nittartakkakkullu saqqummiunneqassallutik. Piffissami 1.-15. apriili 2024 Brugseni app-i aqqutigalugu qinersisoqarsinnaassaaq. Ilaasortat malittarisassat naapertorlugit qinersivinni qinersisinnaatitaasut illoqarfinnilu qinersiviusuni pisiniarfinni ilaasortatut profilillit app-ikkut qinersivimmut isersinnaatitaassapput.
Peqatigiiffimmi qinersineq pillugu www.brugseni.gl-imi paasisaqarnerugit.
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2023 · Kalaallit Nunaanni Brugseni
Cookies og privatlivspolitik – Whistleblowerordning