Puussiat nutaat Brugsenimeersut atorneqaqqissinnaasut

Brugseni maanna pooqattanik ninngusuunik atoqqinneqarluarsinnaanerusunillu neqerooruteqalerpoq puussiat plastikkit avatangiisinut ajoqutaanngitsut saniatigut.

Maanna pisianik angerlaassinissamut avatangiisinut ajoqutaanngitsunik toqqaanissaq Brugsenimi ajornannginnerulerpoq. Pisiniarfinni tamani puussianik plastikkinik avatangiisinut ajoqutaannginnerusunik neqerooruteqarnerup saniatigut maanna pisiniarfeqarfik pooqattanik ninngusuunik pitsaaqutilinnik nutaarluinnarnik neqerooruteqarsinnaalerpoq.

– Pisiniartartunut suli amerlanerusunik toqqagassaqartitserusuppugut pisiassanik pisiniarfitsinnit angerlaassinermik ajornannginnerulersitsisunik. Tamatuma saniatigut avatangiisinik illersueqataarusuppugut aaqqissuutinik atueqqinnissamut plastikkimillu atuivallaarunnaarnissamut periarfissaqarnerulersitsisunik pilersitsinitsigut. Taamaattumik nutaarluinnarmik pooqattaliortitsivugut nassaruminartumillu, pilerisaarinermut attaveqarnermullu pisortaq Benny Reffeldt Otte oqaluttuarpoq.

Pooqattaq nutaaq ima ilusilerneqarsimavoq tuermiorineqariaannaalluni assannik tigummisariaarulluni. Pooqattaq annoraaminiusoq initunngilaq pertiterneqarsinnaallunilu kaasarfimmi pooqattap iluaniittumiitinneqarsinnaalluni nassariaannaallunilu. Pooqattaqninngusuujuvoq atoqqeqattaarneqarsinnaallunilu. Pooqattaq taamaallaat 10 kr.-eqarpoq.

Brugseni avatangiisinik pingaartitsivoq

Brugsenimit maluginiarneqarsimavoq qinigassat avatangiisinut ajoqutaanngitsut ilaasortanit piumaneqarneruleraluttuinnartut. Taamaattumik pisiniarfeqarfimmi kalaallinit 100%-imik pigineqartumi aalajangiunneqarpoq avatangiisinut ajoqutaanngitsunik amerlanerusunik aaqqiissuteqarnissaq.

Ukiumi qaangiuttumi Brugseni suliniuterpaalunnik aallartitaqarpoq Kalaallit Nunaanni pisiniarfinni

  • Brugseni app-imi 2018-imi juunimi atulerpoq ilaasortallu tamarmik neqeroorutinik aviisinik digitaliusunik neqeroorutinillu allanik alakkaariaannanngorlutik, neqeroorutinik aviisinik taakkua assinginik qupperaasariaarullutik.
  • Pisiassani Änglamarkimeersuni avatangiisinut ajoqutaanngitsuni qinigassat assigiinngitsut 500-nit amerlanerulerput.
  • Brugseni Kalaallit Nunaanni pisiniarfinni kisiartaalluni naqiterivimmik allamik avatangiisinik mingutitsinngitsunik FSC-mik, Svanemærket-mik aamma Ecolabelimik uppernarsaasikkanik atuiffiusumik atuilerpoq.
  • Brugseni Kalaallit Nunaanni pisiniarfinni kisiartaalluni puussiaatitik atorneqartartut tamaasa 85%-imik naasuneersunit ivigarsuarnit sukkuliassanit sanaajutippai aamma DIN CERTCO-mit aamma Vincottemit akuerisaatillugit.

Suliniutigineqartoq nutaanerpaaq tassaavoq pooqattaq torraallunilu ninngusuujusoq atoqqeqattaarneqarsinnaanerusoq.

Brugsenip siumut kissaatigaa avatangiisinut ajoqutaannginnerusunik aaqqiissuteqartarnissaq

Teknologiip pisiassanillu qinigassat periarfissaqarnerulersitsinerat ilutigalugu Brugseni isumassarsiortuassaaq aaqqiissutissanik suliniutinillu atoriaannarnik avatangiisinut ajoqutaannginnerusunik atuutilersitsiniarluni.

– Suliffeqarfittut kalaallinit 100%-imik pigineqartutut aaqqiissutissanik Kalaallit Nunaanni avatangiisinik illersuutaasinnaasunik pingaartitsineq ilisarnaatigiuarsimavarput. Soorunami pissutsit ulluinnaallu naliginnaasumik suliaqarfigisinnaasariaqarpavut, silatusaartumilli aalajangiisinnaasariaqarpugut, suliatsinni pisiassanillu qinigassaatitsinni suliassanillu suliaqariaatsitsinni aaqqiissuteqarsinnaasariaqarluta avatangiisinut ajoqutaannginnerusunik aaqqiissuteqarsinnaajumalluta,pisortaq Susanne Christensen oqarpoq.

Ilulissani Brugsenimik nutaarluinnarmik sanaartornissamik pilersaarusiornermi dual kompressoranlægit innaallagissamik sipaarnartut aningaasaliiffigineqarsimapput. Taamaattumik qerititsivinnut nillataartitsivinnullu sapinngisamik annikinnerpaamik innaallagissamik atuinissamik qulakkeerneqarnerata saniatigut kiassarnermut sipaarutit atorneqarput. Taamaalilluni pisiniarfik innaallagiaq kiassarnermut atorneqartoq sipaarneqangaatsiassaaq. Aammattaaq qulliit LED-t innaallagissamik atuinnginnerusut toqqarneqarput.

Assiliartap allagartaa: Pooqattaq torraasoq – atueqqinnerunissamut aaqqiissutaasoq

Aqqusinersuaq 4, 2 th. P.O.Box 1092 3900 Nuuk
M: info@knb.gl T: +299 36 35 00 
CVR 15787406

Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.

Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.

© Copyright 2021 · Kalaallit Nunaanni Brugseni 
Cookies og privatlivspolitik

Følg Brugseni