Brugseni Nuukullammi nutaamik pisiniarfiliussaaq

Kalaallit Nunaata Brugsenip Nurepa ApS aamma The Element ApS suleqatigalugit Nuummi sanaartortitsinera aallarnerneqaruttorpoq. Inissialiortoqassaaq inillu quleriit allersaanni nutaamik Brugseneqalissalluni.

Kalaallit Nunaanni Brugsenip oqaluttuarisaanerani pisimasut pingaarutillit ilagissavaat Nunatsinni niuertarfeqarfik 2021-p naanerani pisiniarfiutimi arfineq-aappassaannik Nuummi ammaappat. Nuummi sumiiffiit angallaviunerpaartaanni siunissamilu inissiarpassuarliorfiusussami Brugseni ammarneqartussaq nutaarluinnaassaaq.

– Nuukullak Kujallerpaallu ineriartupiloorfiupput. Piffissami sivisunerusumi illoqarfiup ilaani tamatumani sanaartorfissarsiorsimavugut, periarfissaqalerattalu iliuuseqapallappugut. Taamaattumik isumaqatigiissusiorpugut illorsuassami init quleriit allersaanni 420 m2-isut initutigisumik Brugseniliussalluta, direktøri Susanne Christensen oqaluttuarpoq.

Pisiniarfittaassaq, Brugseni Nuukullammik taaguuteqartussaq, 20-t missaanniittunik sulisoqassaaq, taamaalillutillu taamanikkussamut Kalaallit Nunaanni Brugsenimi sulisut katillutik 600-ngajanngussapput. Pisiniarfimmi nerisassanik qinigassaqarluassaaq, assigiinngisitaartunik neqerooruteqartassaaq ilaasortanullu iluanaaruteqartassalluni, soorlu Nuussuarmi Brugsenimi Nataliemi aamma taamaattoq.

– Suleqatigisavut, Nurepa ApS aamma The Element ApS, sanaartornermik aallartitsilluarnerput pillugu qutsavigerusuppavut. Suliffeqarfiit taakku marluk pikkorissaarlutik suliassamik aallartitsipput, nuannaarutigaarpullu taamaalilluta suliffeqarfinnik sanaartornermik sulialinnik Nuummiittunik sulisoqarsinnaagatta. Sanaartornerup peqqissaarunneqarnissaa pingaartinneqarpoq, tamatumalu saniatigut qullilersueriaatsit kiassariaatsillu avatangiisinut ajoqutaanngitsut atorneqarput, direktørimut tullersorti Jes Nyborg oqaluttuarpoq.

Illorsuassamittaaq nutaami arlalinnik ejerlejlighedeqassaaq, inissiallu taakkua ilaat Kalaallit Nunaanni Brugsenimi sulisunut inissiaassapput.

– Ukiup naanerani pisiniartartunik ilaasortanillu pisiniarfittaamut iserluaqqusinissarput tamatumalu saniatigut illoqarfiup Nuup ilaanik tamatuminnga ineriartortitsineroqataanissarput orniginarnerulersitseqataanissarpullu qilanaaraarput. Brugsenip ilisarnaatigisaanik pisiassanik qinigassaqarluarfiusunik, neqeroorutigissaarfiusunik ilaasortanullu iluanaarutissartaqarfiusunik amerlanerusunik pisiniarfeeraqalernissaa ingammik ilaasortatsinnit tapersersorneqarpoq.

Sanaartorneq pillugu nutaarsiassat Brugsenip nittartagaani inoqatinullu attaveqaatini aalajangersimasuni ingerlaavartumik malinnaavigisinnaassavatit.

Aqqusinersuaq 4, 2 th. P.O.Box 1092 3900 Nuuk
M: info@knb.gl T: +299 36 35 00 
CVR 15787406

Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.

Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.

© Copyright 2021 · Kalaallit Nunaanni Brugseni 
Cookies og privatlivspolitik

Følg Brugseni