Inuiaqatigiinnut akisussaassuseqarneq pillugu suliniuteqarneq ileqqorissaarlunilu suliffeqarfimmik ingerlatsineq nunarsuaq tamakkerlugu siunertaqarluartoq

Brugseni Kalaallit Nunaanni niuertarfeqarfiit siullersaattut nunarsuaq tamakkerlugu ataatsimoorussamut ”FN’s Global Compact”-imut peqataalerpoq.

Brugseni Kalaallit Nunaanni niuertarfeqarfiit siullersaattut FN-ip Global Compactianut ilaasortaanissamut akuerisaavoq.

Brugseni suliffeqarfiup ileqqorlulluni iluanaarniarnermik akiuinissaq, avatangiisit silallu pissusia, naligiissitsineq assigiinngisitaarnerlu, inuit pisinnaatitaaffii piujuartitsinermillu nalunaarusiorneq pillugit piumasaqaatinik eqquutsitsinissaminik sulissuteqarsimavoq, taamatullu ineriartortoqarnera ingerlaannassaaq.

– Inuiaqatigiinnut inuuffigisatsinnut pitsaanerusumik piujuartitsiviusumillu siunissaqalersitsiumalluni nunarsuaq tamakkerlugu suliniummut imaannaanngitsumut peqataalernerput naleqartitatsinnut pingaarnernut naapertuuppoq. Ukiualunni kingullerni inuiaqatigiinnut akisussaassuseqarnissaaq ukkatarinerulersimavarput, maannalu alloriaqqippugut FN-illu Global Compactianut ilaasortaalersimalluta. Suleqataalernitsigiut isumassarsiffiulluartartup tamatuma suliniuteqaqataaffiginissaanut iluaqutiginissaanullu qilanaarpugut. Piumaartussat soqutiginassaqaat, pisortaq Susanne Christensen oqaluttuarpoq.

Brugsenip takorluugaa ”Piginneqatigiilluta ineriartortitsisa, sapinngilagut” iluaqutigalugu suliffeqarfiup inuiaqatigiinnut akisussaassuseqassusermi ineriartortinnissaa pingaartinneqarnerulerpoq.

Brugsenip suliffeqarfittut piujuartitsiviunerulernissaanik anguniakkat piviusunngortikkumallugit suliniutigineqalersimasut ilagaat aqutsisunik piginnaanngorsaallunilu ilinniartitsineq. Suliffeqarfimmi aqutsisut amerlanersaat massakkorpiaq ilinniartinneqarput ”Suugaq”-mik taaguusikkamik, ilinniartinneqarnerminnilu inuup qitiutillugu sulinissamut piareersarneqarput. Imminut ilisimaarineq, kulturikkut assigiinngissutini naligiissitaanermilu nukittoqutaasut aqutsisuunermilu misiginneqataasuunissap pingaaruteqassusia ilinniakkami qulequttat ilagaat, taakkulu FN-ip Global Compactiani najoqqutassianut qulinut naapertuupput. Tamassuma saniatigut Brugseni piginnaanilinnik pikkorissaalissaaq, moduli siulleq oktobarip aallaqqaataaniit pingajuannut pissalluni, tamatumanilu sulisut ilaat immikkut toqqakkat iliuusissanik ilinniartinneqassapput inuttut ineriartornermik saniatigut suliassaminnik naammassinnilluarnerusinnaaniassammata.

– Nunarsuarmi anguniakkanut sulisutsinnillu ineriartortitsinissamut tunngatillugu takorluugaqarluarsinnaanissamut periarfissaqartitserusuppugut. Anguniakkavut angujumallugit suli sulingaatsiartariaqaraluartugut iliuuseqarnissamut naammattumik sapiissuseqarnissarput piareersarsimavarput. FN-illu Global Compactiani suleqataalernitsigut FN-ip ileqqorissaarluni suliffeqarfimmik ingerlatsinissamut najoqqutassiaanik qulinik ukiut tamaasa eqqortitsillutalu nalunaarusiaqartarnissamut immitsinnut pisussaatippugut. Aammattaaq suliffeqarfitta ukiumoortumik inuiaqatigiinnut akisussaassuseqarneq pillugu nalunaarusiaani ersarissuujuarumavugut, pisortaq Susanne Christensen oqaluttuarpoq.

Brugsenip inuiaqatigiinnut akisussaassuseqarneq pillugu qanoq suliniuteqaqataasarnera pillugu paasisaqarnerujumaguit nittartakkami uani atuarnerusinnaavutit: https://brugseni.gl/csr/, tassanilu ilaatigut inuiaqatigiinnut akisussaassuseqarneq pillugu nalunaarusiaq nutaanerpaaq atuarneqarsinnaavoq.

Aqqusinersuaq 4, 2 th. P.O.Box 1092 3900 Nuuk
T: +299 36 35 00 
CVR 15787406

Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.

Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.

© Copyright 2021 · Kalaallit Nunaanni Brugseni 
Cookies og privatlivspolitik

Følg Brugseni