Menu
Menu
Kalaallit Nunaanni Brugsenimi ingerlatseriaaseq nutaaq akuerineqarpoq
Arfininngorneq 26. februar 2022 Kalaallit Nunaanni Brugsenip oqaluttuarisaaneranut pingaartuuvoq. Brugsenip ingerlatsisui attaveqaatitigut immikkut ittumik ataatsimeersuarput, tassani ingerlatseriaatsimi aaqqissuussaaneq annertuumik allanngornissaanik aalajangiillutik.
Allannguinermi siunertarineqarpoq piffinni ataasiakkaani suliaqarneq aalajaallisarniarlugu eqaallisarniarlugulu, aammalu siunertaralugu nuna tamakkerlugu suilersuisuni atorfimmi pikkorissuseq oqilisaanerlu annertusarniarlugit.
Siulersuisuni siulittaaoq Avijâja Jepsen ima oqarpoq: ”Brugsenimi takorluugarput ima nipeqarpoq: ’Piginneqatigiilluta ineriartortitsisa, sapinngilagut’. Aaqqissussaanitsinnik allannguinitsinni taanna tunaartarilluarparput. Taamatut aalajangiinitsinni qularinngilluinnarpara KNB sutigut tamatigut nukittunerulersikkipput.”
Ingerlatsineruip aaqqissuunneqarnerata allanngortinneranut tunuliaqutaq
Ukiuni kingullerni sulisunik ineriartortitsineq aammalu pisiniarfinnik nutaanik pilersitsinerit KNB-p ilisarnaatigisimavai. Tamakkulu pisimapput piffissami piujuartitsinissap silaannaallu allanngoriartornerata nunatsinni oqallisaallualernerata nalaani.
KNB ullutsinni suliffeqarfiuvoq milliardinik kaaviiaartitsiviusoq 600-llu missaani sulisoqarluni, suliffeqarfillu ulluinnarni nioqqutissaarniarfiusoq nunatta ineriartorneranut pingaarutilimmik inissisimavoq.
KNB ilaasortanit pigineqarpoq kitaani illoqarfinni arfineq pingasuni pisiniarfeqarluni illoqarfinnilu taakkunani piffinni siulersuisoqarluni. Piffinni siulersuisut ilaasortanit qinigaapput, qinikkallu taakku tamakkerlutik ataatsimeersuarninngortarput KNB-ilu akisussaasut qullersaallutik. Nuna tamakkerlugu siulersuisut qullersatut KNB-mut akisussaasuupput illoqarfinnit arfineq pingasuusunit inuttaqarlutik piffini siulersuisunit qinigaasunik.
Taamatut ingerlatseriaaseq tunngavimmigut allanngortinneqarnikuunngilaq Brugsenit peqatigiiffii KNB-mut kattummatali. Suliffeqarfiup ineriartupiloornera siunissamullu isigigaanni suli digitaliseringip piujuartitsinissallu ukkannerusariaqarnerisa, nuna tamakkerlugu siulersuisut ingerlatseriaatsimik ajornaallisaanissaq siunnerfigaat, taamaalilluni KNB eqaannerusumik siunissamilu pisariaqartinneqartunut piareersimanersulluni inissisimanissaa anguniarlugu.
Ingerlatseriaaseq nutaaq
Ingerlatseriaasissamik nutaamik suliaqarneq ukiup aappaa avillugu sivisussuseqarpoq piffinni siulersuisut akuutillugit suliaalluni. Arfininngorneq 26. februar 2022 immikkut ittumik ataatsimeersuartoqarpoq tassani ingerlatsinermi periusissiat nutaat ataatsimeersuartunit tamarmiusunit akuerineqarlutik.
Periusissiat nutaat ukuninnga toqqammaviliisuussapput:
Periusissiat nutaat www.brugseni.gl -imi aaneqarsinnaapput, tassanilu aamma takuneqarsinnaavoq piffinni qinersinnissat ukkatarineqarnerat. Martsip ulluisa 23.-anni aamma 24-anni 2022 piffinni arfineq pingasuusuni pinersineqassaaq BIS-imut (piffinni siunnersuisooqatigiit) illoqarfinni tamani. Nittartakkatsinni paasissutissat KNB-mit suut ineriartornissamut iliuuserineqarsinnaasutullu periarfissiissutigineqartut aamma nanissaapput
”Peqatigiiffeqarnerup tungaatigut nutaamik ingerlariaaseqalernera pillugu siulersuisut uangalu neriuutigaarput ilaasortat suli amerlanerusut kajumilissasut KNB-p ataatsimoornermik kimittuumik pilersissimasaanut peqataanissaminnut, illoqarfikkaartuni BIS-ini imaluunniit nuna tamakkerlugu siulersuisoqarnermi suleqataanissaminnut. Taamaaliornikkut KNB-p pilersissinnaavaa piffinni tunngasunik ingerlatseriaaseq aalajaatsoq, aammalu piginnaasat ineriartortinneqarnissaat suliffeqarfiup suli ineriartortittuarnissaanut siunissami iluaqutasussat,” naggasiivoq siulersuisuni siulittaasoq Avijâja Jepsen.
Aqqusinersuaq 4, 2 th. P.O.Box 1092 3900 Nuuk
Attaveqarfigitigut/Kontakt os
CVR 15787406
Kalaallit Nunaanni Brugseni pisianik utertitsisinnaasarpoq, imaluunniit aningaasartai utertissinnaasarpai pisinermiit ullut 14-it qaangiutsinnagit pisinermut uppernarsaat utertitsiniarnermi ilanngullugu takutinneqartillugu. Pisiaq ammarneqarsimassanngilaq.
Nioqqutissat nerisassat ilaanngillat.
Kalaallit Nunaanni Brugseni bytter gerne eller giver pengene retur inden for 14 dage fra købstidspunktet mod fremvisning af bon.
Varen skal være i ubrudt original emballage. Gælder ikke fødevarer.
© Copyright 2023 · Kalaallit Nunaanni Brugseni
Cookies og privatlivspolitik – Whistleblowerordning